Qazaqstanda 28 qańtarda qaı joldar jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

2026 jylǵy 28 qańtar saǵat 08:00-degi jaǵdaı boıynsha aýa raıynyń nasharlaýyna baılanysty respýblıkalyq mańyzy bar avtojoldardyń kelesi ýchaskelerinde barlyq kólik túri úshin qozǵalys shekteldi:

Qyzylorda oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1486-1806- shaqyrym aralyǵy (Mıras nysandyq qyzmeti – Qyzylorda qalasy).

Mańǵystaý oblysy

• «Dossor – Qulsary – Beıneý – Saı-Ótes – Shetpe – Jetibaı – Aqtaý» respýblıkalyq mańyzy bar avtojolynyń 338–718-shaqyrym aralyǵy (Beıneý aýyly – Jetibaı aýyly).

Sondaı-aq Pavlodar oblysynda «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Eske salaıyq, «Qazgıdromet» RMK sınoptıkteri 28 qańtarda elimizdiń birneshe óńiriniń turǵyndaryna tuman, kóktaıǵaq, burqasynǵa baılanysty eskertý jasaǵan edi.