Qazaqstanda 28 aqpanda ótetin mańyzdy sharalarǵa sholý

ASTANA

9.00-de QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń «Respýblıkalyq ǵaryshtyq baılanys ortalyǵy» AQ «Aqkól» ǵaryshtyq baılanys ortalyǵynda - KazSat serııaly ǵarysh apparattaryn jerústi basqarý kesheni jáne baılanys quraldaryn monıtorıngileý kesheninde baspasóz týry ótedi.

10.00-de «Atameken» QR UKP Biliktilik ortalyǵynda «Qazaqstan Organic Producer Union» organıkalyq ónim óndirýshileri odaǵynyń sarapshylary semınar ótkizedi.

10.30-da «Hilton Garden Inn» qonaq úıinde Halyqaralyq sırek kezdesetin aýrýlar kúnine oraı Qazaqstandaǵy sırek kezdesetin aýrýlardyń dıagnostıkasyna jáne emdelýge qatysty kókeıkesti máselelerge arnalǵan baspasóz máslıhaty ótedi.

11.00-de Qazaqstan Respýblıkasy Mádenıet jáne sport mınıstrliginiń «Qoljazbalar jáne sırek kitaptar ulttyq ortalyǵy» G.N. Potanın atyndaǵy Pavlodar oblystyq tarıhı-ólketaný murajaıymen birlese otyryp «Tamyry tereń týǵan jer» kórmesin ótkizedi.

12.00-de Prezıdent N.Nazarbaevtyń 2016 jylǵy Jarlyǵymen belgilengen Alǵys aıtý kúni aıasynda «Qazaq eline myń alǵys!» monýmentine (Túrkistan kóshesi) gúl shoǵyn qoıý rásimi ótkiziledi.

15.00-de «Úkimet úıinde» «Nur Otan» partııasynyń XVIII sezinde Memleket basshysy bergen tapsyrmalardy oryndaý týraly Úkimet otyrysy ótedi.

15.00-de S.Seıfýllın atyndaǵy Qazaq agrotehnıkalyq ýnıversıtetinde Qazaqstannyń mashına jasaýshylar odaǵy men Qazaq agrotehnıkalyq ýnıversıteti mashına jasaý salasyndaǵy tehnıkalyq mamandyqtarǵa bilikti kadrlardy daıarlaýǵa baǵyttalǵan yntymaqtastyq týraly memorandýmǵa qol qoıady.

15.00-de Nazarbaev ortalyǵynda Qazaqstan Respýblıkasy Tuńǵysh Prezıdenti - Elbasy qorynyń ǵylym, mádenıet jáne óner salasyndaǵy baıqaýynyń jeńimpazdary marapattalady.

15.00-de Qazaqstan Respýblıkasynyń Ulttyq arhıvinde Alǵys kúnine arnalǵan «Taǵdyr toǵystyrǵan» atty qujattyq kórme ótkiziledi.

15.00-te Sybaılas jemqorlyqqa qarsy Ulttyq bıýroda brıfıng ótedi.

16.00-de Oqýshylar saraıynda QR Bilim jáne ǵylym mınıstriniń qatysýymen 2018 jylǵy «Joǵary oqý ornynyń úzdik oqytýshysy» ataǵynyń ıegerlerin marapattaý rásimi ótedi.

ALMATY

10.00-de Oqýshylar saraıynda ata-anasynyń qamqorlyǵynsyz qalǵan balalarǵa arnalǵan uıymdardyń basshylarynyń Respýblıkalyq Keńesi keńeıtilgen otyrys ótkizedi. Kezdesýge Qazaqstan Respýblıkasy Parlamentiniń depýtattary - S.Aıtpaeva (Bala quqyqtary jónindegi ýákil), N.Áltaev, QR Bilim jáne ǵylym vıtse-mınıstri B. Asylova, jetim balalar men balalar úıleriniń túlekterine arnalǵan uıymdardyń jetekshileri qatysady.

10.00-de Ó. Joldasbekov atyndaǵy Stýdentter saraıynda Qazaqstan Respýblıkasy Qarjy mınıstrliginiń Memlekettik kirister komıteti salyq tóleýshilermen elektrondy saýda máseleleri boıynsha semınar ótkizedi.

12.00-de ál-Farabı atyndaǵy QazUÝ-de Nevada-Semeı halyqaralyq ıadrolyq qarýǵa qarsy qozǵalys prezıdenti, halyq jazýshysy, aqyn Oljas Súleımenovtiń jáne antııadrolyq qozǵalys ardagerleriniń qatysýymen Nevada-Semeı qozǵalysynyń 30-jyldyǵyna arnalǵan shara ótedi.

17.00-de «Suńqar» halyqaralyq shańǵy kesheniniń baspasóz ortalyǵynda erler men áıelder arasynda mogýl jáne parallel mogýl boıynsha frıstaıldan Álem kýbogynyń aldaǵy fınaldyq kezeńine arnalǵan baspasóz máslıhaty ótedi.

QYZYLORDA

15.00-de oblystyq «Rýhanı jańǵyrý» ortalyǵynda «Syr óńiriniń túrki halyqtarynyń tarıhy, mádenıetindegi alar orny» atty halyqaralyq ǵylymı-teorııalyq konferentsııa ótkizedi.