Qazaqstanda 28-30 naýryz aralyǵynda kún jylynady
NUR-SULTAN. QazAqparat – Sınoptıkter 28-30 naýryzda Qazaqstanda kún jylynady dep boljap otyr, dep habarlaıdy QazAqparat «Qazgıdromet» RMK-ǵa silteme jasap.
«Demalys kúnderi skandınavııalyq antıtsıklonnyń arqasynda Qazaqstannyń basym bóliginde kún jaýyn-shashynsyz, túnde salqyn, ásirese respýblıkanyń soltústik-shyǵysynda temperatýra nólden aspaıdy jáne -2…-17°S arasynda bolady. Kúndiz aýa temperatýrasy soltústikte +1…..+13°S, ońtústikte +15….+28°S-qa jetedi.
Soltústikte, shyǵysta jáne ońtústik-shyǵysta jaýyn-shashyn (jańbyr, qar) bolady, shyǵysta jáne ońtústik-shyǵystaǵy taýly aımaqtarda jaýyn-shashyn mol kólemde jaýyp, keı jerlerde kóktaıǵaq bolýy yqtımal. Respýblıkanyń keı jerlerine tuman túsip, jel soǵady», - delingen habarlamada.
