Qazaqstanda 2700-den astam BAQ nátıjeli jumys isteýde - Baǵlan Maılybaev
ASTANA. 26 maýsym. QazAqparat - Qazaqstanda 2700-den astam buqaralyq aqparat quraldary nátıjeli jumys isteýde.
Bul týraly búgin Astanada BAQ bas redaktorlaryn quttyqtaý kezinde QR Prezıdenti Ákimshiligi Basshysynyń orynbasary Baǵlan Maılybaev málim etti.
Olardyń barlyǵy eń basty baılyǵymyz - Táýelsizdigimizdiń baıandy bolýy úshin eńbektenip júr. Osy oraıda, B. Maılybaev barlyq jýrnalısterdi kásibı merekelerimen quttyqtady.
«Barshalaryńyzdy kásibı merekelerińizben quttyqtaımyn. Qazaq jýrnalıstıkasynyń shejiresi osydan 100 jyl buryn bastaldy. Bir ǵasyr buryn Ahmet Baıtursynuly «Qazaq» gazetin shyǵaryp, qazaq baspasóziniń tarıhyn bastaǵany belgili. Sodan beri Qazaqstan jýrnalıstıkasy egemendigimizdiń arqasynda jańa serpinmen damyp keledi. Búgin bizdiń salada eki myń jeti júzden astam buqaralyq aqparat quraly nátıjeli jumys isteýde. Sondyqtan, shynaıy tilegim osy qarqynnan aırylmańyzdar», - dep túıindedi sózin ol.
Eske sala keteıik, bıyl jýrnalıster kúni 28 maýsym kúni toılanady.
