Qazaqstanda 27 tamyzda ótetin mańyzdy sharalarǵa sholý

NUR-SULTAN

Saǵat 10.00-de «Parasat» bıznes-ortalyǵynda Kásipkerler palatasynyń kásipkerlerdiń quqyǵyn qorǵaý jáne jemqorlyqqa qarsy kúres keńesiniń otyrysy ótedi.

Saǵat 12.20-da Ortalyq kommýnıkatsııalar qyzmetiniń alańynda «Qaıyrymdylyq kerýeni» ІІ respýblıkalyq konkýrsynyń bastalýyna arnalǵan baspasóz konferentsııasy ótedi.

Saǵat 15.00-de Úkimet úıinde Úkimet otyrysy bastalady. Kún tártibinde 2020-2024 jyldarǵa arnalǵan QR áleýmettik-ekonomıkalyq damýyna boljam, 2020-2022 jyldarǵa arnalǵan QR Ulttyq qorynan kepildendirilgen transfert týraly, pedagogtar mártebesi jaıly másele talqylanady.

ÓSKEMEN

Saǵat 10.00-de S.Amanjolov atyndaǵy ShQMÝ-dyń 5-shi korpýsynda oblys ákiminiń qatysýymen «KELESHEKKE – KEMEL BILIMMEN!» atty tamyz konferentsııasy ótedi. Onyń barysynda birqatar ustazdarǵa páter kiltteri tabys etilip, úzdikteri marapattalady. Konferentsııa aıasynda arnaıy Start-up jobalar men mehatronıka baǵytyndaǵy kórmeleri uıymdastyrylady.