Qazaqstanda 27 shildede ótetin eń mańyzdy oqıǵalar
ASTANA. QazAqparat - «QazAqparat» halyqaralyq aqparat agenttigi 27 shilde kúni Qazaqstanda ótetin eń mańyzdy oqıǵalarǵa sholý usynady.
Saǵat 8-30-da «Nur Otan» partııasynyń hatshysy T. Dúısenova men Qazaqstan Prezıdenti bes áleýmettik bastamasynyń júzege asyrylýyn baqylaý jónindegi respýblıkalyq qoǵamdyq keńestiń tóraǵasy, QR Parlamenti Senatynyń depýtaty B. Jumaǵulov Aqmola oblysyna jumys saparymen barady.
Al saǵat 11-00-de Ádilet mınıstriniń orynbasary N.Pannyń basshylyǵymen memlekettik organdar, úkimettik emes uıymdar jáne bıznes ókilderiniń qatysýymen Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótedi.
12.00 -de Qazmedıa ortalyǵynda «Qazaqstannyń úzdik taýary» jyl saıynǵy óńirlik baıqaý-kórmesi uıymdastyrylady.
Keshki saǵat 17-00-de «Jastar» saraıynda «Adal jol - Chestnyı pýt» jemqorlyqqa qarsy marafonnyń qorytyndysyn shyǵarýǵa arnalǵan saltanatty shara bolady.
ALMATY
Saǵat 10-00-de «Olımpıada» sporttyq-saýyqtyrý kesheninde MMA-dan Qazaqstannyń ulttyq qurama komandasynyń oqý-jattyǵý jıynynyń birinshi kezeńine jáne Ulttyq dopıngke qarsy ortalyq ókilderimen dopıngke qarsy erejeni saqtaý máselelerine arnalǵan baspasóz-týry ótkiziledi.
Al 11-30-da Almaty qalasynyń óńirlik kommýnıkatsııalar qyzmetinde «Qazteleradıo» AQ qyzmetiniń negizgi determınanttary» taqyrybynda baspasóz máslıhaty bolady.
Keshki saǵat 18-00-de «Mega park» SOSO aýmaǵynda «ALASH-PRAID» halyqaralyq promoýterlik uıymy aralas jekpe-jekten Azııa chempıonaty aıasynda sportshylardyń jarııa salmaq ólsheý sharasyn uıymdastyrady. Halyqaralyq aýqymdaǵy jarııa shara barysynda «K1» halyqaralyq jáne «ALASH-PRAID» nusqalary boıynsha Azııa chempıony beldeýi men ataǵyna talasatyn sportshylar salmaqtaryn ólsheıtin bolady.
ATYRAÝ OBLYSY
Saǵat 9.00-de "Atyraý" sport kesheninde ulttyq valıýta - teńgeniń 25 jyldyǵy qarsańynda oblystyń bank qyzmetkerleri arasynda voleıboldan jarys ótedi.
Al saǵat 15.00-de N.Jantórın atyndaǵy oblystyq fılarmonııada oblystyq Jastar saıasaty basqarmasynyń uıymdastyrýymen "Tárbıe bastaýy anadan" atty oblystyq kelinder saıysy bolady.
EKІBASTUZ
Saǵat 08-00-de «Qaınar» ortalyǵynyń ǵımaratynda Pavlodar oblysynyń et ónimderin shyǵaratyn zákirlik kooperatsııasyna qatysýshylar úshin«New Nomad» iskerlik oıyny pishinindegi oqytý semınary bastalady. Sharaǵa Aýyl sharýashylyǵy birinshi vıtse-mınıstri, oblys ákiminiń orynbasary, bordaqylaý alańdarynyń basshylary, seriktes fermerler, oblystyq, aýdandyq ákimdikterdiń qarjy ınstıtýttary fılıaldarynyń ókilderi qatysady.
