Qazaqstanda 27 naýryzda ótetin mańyzdy sharalarǵa sholý

NUR-SULTAN

10.00-de «Astana Balet» teatrynda Qazaq ulttyq horeografııa akademııasy uıymdastyrǵan Shara Jıenqulova atyndaǵy V respýblıkalyq qazaq bıi baıqaýy saltanatty túrde ashylady.

11:00-de Sý-qutqarý stantsııasy bazasynda kóktemgi muz erý kezeńindegi qaýipsizdik erejeleri týraly túsindirý jumystary jóninde brıfıng ótedi.

14:00-de Májilistiń plenarlyq otyrysy bastalady.

15.00-de «Aqorda» rezıdentsııasynda Qazaqstan Respýblıkasynyń Prezıdenti Qasym-Jomart Toqaevqa Qazaqstandaǵy AQSh elshisi Ýılıam Mozer senim gramotasyn tapsyrady.

15.00-de QR Ulttyq akademııalyq kitaphanasynda Qazaqstannyń eńbek sińirgen óner qaıratkeri, «Parasat» ordeniniń ıegeri Alpysbaı Qazyǵulovtyń jeke kórmesi ashylady.

ALMATY

10.30-da Bas jospar ǵımaratynda QR Ulttyq ekonomıka mınıstrliginiń ókilderi Almaty qalasynyń kásipkerlerimen kezdesedi.

15.00-de «Turan» ýnıversıtetinde Almaty qalasy Qoǵamdyq Keńesiniń otyrysy bastalady.

15.00-de QR Ortalyq memlekettik mýzeıinde Polsha Respýblıkasynyń Bas konsýldyǵynyń atsalysýymen mýzykatanýshy-etnograf, kompozıtor, Qazaqstannyń Halyq ártisi Aleksandr Zataevıchtiń 150 jyldyǵyna arnalǵan «Dala áýeniniń izimen» kórmesi ashylady.

19.00-de «Esentai Mall» saýda ortalyǵyndaǵy Kinopark 11 IMAX-ta qazaq tilindegi «Dambo» fılminiń aldyn ala kórsetilimi ótedi.