Qazaqstanda 27 naýryz kúni ótetin mańyzdy sharalarǵa sholý

ASTANA

Saǵat 10:00-de Úkimet otyrysy ótedi. Otyrys barysynda Tilderdi damytý men qoldanýdyń 2011 - 2020 jyldarǵa arnalǵan memlekettik baǵdarlamasyn, Indýstrııalyq-ınnovatsııalyq damytýdyń 2015 - 2019 jyldarǵa arnalǵan memlekettik baǵdarlamasyn júzege asyrý qorytyndylary qaralmaq. Sonymen qatar Memlekettik qala qurylysy kadastrynyń qyzmeti men ony engizý máseleleri talqylanady.

Saǵat 10:00 kezinde «Nursáýlet» bıznes-ortalyǵynda QR Premer-Mınıstriniń orynbasary Asqar Jumaǵalıevtiń qatysýymen densaýlyq saqtaý salasyn tsıfrlandyrý boıynsha semınar-keńes uıymdastyrylady.

Saǵat 11:00-de Senatta Áleýmettik-mádenı damý jáne ǵylym komıtetiniń keńeıtilgen otyrysy ótedi. Onda «Qazaqstan Respýblıkasynyń keıbir zańnamalyq aktilerine halyqtyń jumyspen qamtylýy jáne kóshi-qon máseleleri boıynsha ózgerister men tolyqtyrýlar engizý týraly» zań jobasy qaralady.

Saǵat 12:00-de Beıbitshilik jáne kelisim saraıynyń «Besik» zalynda jyl saıynǵy «QAZAQSTAN ARÝY» 21-shi ulttyq baıqaýyna arnalǵan baspasóz máslıhaty ótedi.

Saǵat 15:00 kezinde «Shapaǵat» saýda ortalyǵynda «Kartamen tóle, túbirekti talap et» naýqanynyń týsaýkeseri bolady.
Saǵat 15:00-de Ortalyq kommýnıkatsııalar qyzmetinde kóliktik-logıstıkalyq ınfraqurylymdy paıdalanýdyń tıimdiligin arttyrýǵa arnalǵan baspasóz máslıhaty uıymdastyrylady.

ALMATY

Saǵat 11:00-de «BJZQ» AQ «Ashyq esik kúni» is-sharasyna shaqyrady.
Saǵat 11:00 kezinde QR Ulttyq kitaphanasynda búgingi qazaq teatr ónerine arnalǵan 5 jańa kitaptyń tusaýkeser rásimi ótedi.

Saǵat 11:30-da Q.I.Sátbaev atyndaǵy Qazaq ulttyq tehnıkalyq zertteý ýnıversıteti KAZGOR jobalaý akademııasymen jáne Autodes halyqaralyq kompanııasymen yntymaqtastyqta ІІ Halyqaralyq ınnovatsııalyq forýmǵa arnalǵan baspasóz máslıhatyn ótkizedi.
Saǵat 12:00-de Esentai Mall kesheninde Qazaqstanda X Factor televızııalyq vokaldyq shoýynyń jetinshi maýsymynyń bastalýyna arnalǵan baspasóz máslıhaty ótedi.

AQMOLA OBLYSY

Saǵat 15:00-de Óńirlik kommýnıkatsııalar qyzmetiniń alańynda «Aqmola oblysy ózenderiniń basseınderindegi sý tasqyny jaǵdaıyn taldaý» taqyrybynda Aqmola oblysyndaǵy «Qazgıdromet» fılıalynyń dırektory Baqyt Makajanovanyń qatysýymen baspasóz konferentsııasy ótedi.

OŃTÚSTІK QAZAQSTAN OBLYSY

Saǵat 11:00-de Óńirlik kommýnıkatsııalar qyzmetinde Elbasynyń Bes áleýmettik bastamasyndaǵy «7 - 20 - 25. Árbir otbasyna baspana alýdyń jańa múmkindikteri» baǵdarlamasy men QR Prezıdentiniń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy boıynsha baspasóz máslıhaty uıymdastyrylady.

Bıyl Qazaqstan Respýblıkasynda Ózbekstan jyly jarııalanǵany málim. Osyǵan oraıda saǵat 11:30-da Shymkent qalasyndaǵy «Qazaqstan halqy Assambleıasy» ǵımaratynda Ózbekstan Respýblıkasynyń zııaly qaýym ókilderi men OQO zııaly qaýym ókilderiniń kezdesýi ótedi.

AQTÓBE OBLYSY

Saǵat 11.00-de «Alataý» SO-da oblystyq kásipkerlik basqarmasy jáne «Damý» KDQ birlesip, «Prezıdenttiń bes áleýmettik bastamasy aıasynda shaǵyn jáne orta bıznesti nesıelendirý múmkindikteri» taqyrybynda kásipkerlermen birge talqylaý ótkizedi.

QOSTANAI OBLYSY

Saǵat 10:00-de Qostanaı qalasyndaǵy áýejaıda Paralımpıada oıyndarynyń chempıony Aleksandr Kolıadındi qarsy alý rásimi ótedi.
Budan bólek, saǵat 18:00-de «Mıras» mádenıet saraıynda sportshynyń qurmetine gala- kontsert uıymdastyrylady. Іs-shara barysynda oblys ákimi Arhımed Muhambetov Aleksandr Kolıadınge páter sertıfıkatyn tapsyrady.