Qazaqstanda 27 mln tonnadan astam jemshóp daıyndaldy
ASTANA. KAZINFORM – Qazaqstan óńirlerinde jemshóp daıyndaý naýqany jalǵasyp jatyr, dep habarlaıdy QR aýyl sharýashylyǵy mınıstrliginiń baspasóz qyzmeti.
Oblystar ákimdikteriniń jedel málimetterine sáıkes, aýyl sharýashylyǵy taýaryn óndirýshiler aldaǵy qysqy mal qystatý kezeńine josparlanǵan kólemniń 67%-yn quraıtyn barlyq túrdegi 27,9 mln tonna jemshóp daıyndady.
Onyń ishinde 22,8 mln tonna shóp, nemese jospardyń 89%-y, 2,1 mln tonna pishendeme (90%), 1 mln tonna qurama jem, 446,2 myń tonna súrlem jáne 1,5 mln tonna saban daıyndaldy.
Qysqy mal qystatý kezeńin turaqty ótkizý jáne saqtandyrý qoryn qalyptastyrý maqsatynda «Azyq-túlik kelisimshart korporatsııasy» aktsıonerlik qoǵamy 201,3 myń tonna astyq kóleminde jemshóp qoryn qalyptastyrdy.
Qajet bolǵan jaǵdaıda bul rezerv aýyl sharýashylyǵy taýaryn óndirýshilerdi jemshóp resýrstarymen qamtamasyz etýge paıdalanylady. Elimizdiń barlyq óńirlerinde naýqan qarqyndy jalǵasýda. Aýyl sharýashylyǵy mınıstrligi óńirler ákimdikterimen birlesip, jemshóp daıyndaý naýqanynyń barysyn baqylaýda.
-Júrgizilip jatqan monıtorıng jáne rezervterdi ýaqtyly qalyptastyrý mal sharýashylyǵy qojalyqtaryn qajetti jemshóp qorymen qamtamasyz etýge jáne aldaǵy qysqy mal qystatý kezeńin tııanaqty ótkizýge baǵyttalǵan,-delingen habarlamada.
Osyǵan deıin elimizde 15,9 mln tonna jemshóp daıyndalǵany týraly jazdyq.
