Qazaqstanda 27 maýsymda ótetin mańyzdy sharalarǵa sholý

NUR-SULTAN

Saǵat 10.00-de elordadaǵy Dostyq úıinde Qazaqstan halqy Assambleıasynyń Nur-Sultan qalalyq fılıalynyń XVIII sessııasy bastalady. Kún tártibi «Halyqtyń ál-aýqatynyń artýy - birlik pen turaqtylyqtyń kepili» taqyrybyna arnalady.

Saǵat 10.00-de Comfort oteliniń jıyn ótetin zalynda «Qazaqstan balalarynyń quqyqtaryn qorǵaý» ulttyq baspasóz máslıhaty ótedi.

Saǵat 10.00-de «Astana» halyqaralyq qarjy ortalyǵynyń Fınteh habynda Blockchain Central baspasóz máslıhaty ótedi.

Saǵat 11.00-de QR Úkimetiniń baspasóz ortalyǵynda QR Prezıdenti Qasym-Jomart Toqaevtyń azamattardyń borysh júktemesin azaıtý sharalary týraly Jarlyǵyn iske asyrý boıynsha baspasóz máslıhaty ótedi.

Saǵat 11.00-de Sybaılas jemqorlyqqa qarsy is-qımyl agenttiginde baspasóz máslıhaty bastalady.

Saǵat 11.00-de Májiliste «Qazaqstan Respýblıkasynyń kóshi-qon protsesin retteý máseleleri boıynsha zańnama qujattaryna ózgerister men tolyqtyrýlar engizý týraly» zań jobasy tanystyrylady.

Saǵat 14.30-da Joǵarǵy sotta QR Prezıdenti janyndaǵy Adam quqyqtary jónindegi komıssııanyń keńeıtilgen otyrysy ótedi.

Saǵat 15.00-de «Sputnik Qazaqstan» mýltımedııalyq baspasóz ortalyǵynda Qazaqstannyń aýyl áıelderi oblystyq forýmdarynyń bastalýyna jáne aýyl áıelderiniń II Respýblıkalyq forýmyn ótkizýge arnalǵan baspasóz máslıhaty ótedi.

Saǵat 15.00-de «Atameken» UKP-nyń Kásipkerler quqyǵyn qorǵaý jáne sybaılas jemqorlyqqa qarsy is-qımyl jónindegi keńesiniń otyrysy ótedi.

ALMATY

Saǵat 11.00-de «Máskeý» saýda-oıyn-saýyq ortalyǵynyń aldynda «Mobıldi jumyspen qamtý ortalyǵy" jobasy aıasynda tanystyrý alańy ótedi. Іs-sharany Almaty qalasy Qoǵamdyq damý basqarmasynyń qoldaýymen Almaty qalasy jastar saıasatyn damytý memlekettik qory uıymdastyrady.

Saǵat 12.00-de S.Seıfýllın atyndaǵy Memlekettik óner murajaıynda Á. Qasteevtiń «Qazaqstannyń beıneleý óneri juldyzdary» atty shaǵyn albomdar toptamasynyń tusaýkeseri ótedi. Sharanyń maqsaty - qazaqstandyq tanymal sýretshiler: Bátıma Zaýrbekova, Vıacheslav Lıýı-Ko, Alekseı Ýtkın, Anar Ábjanova men Shoqan Tóleshtiń týyndylarymen tanystyrý.

Saǵat 14.30-da Almaty Towers bıznes ortalyǵynda halyqaralyq qarjy korporatsııasynyń London keńsesi basshylyǵynyń ókili - International Finance Corporation, IFC (Dúnıejúzilik bank toby) jáne Qazaqstandaǵy IFC ókildiginiń basshysynyń medıa-baspasóz máslıhaty ótedi.

Saǵat 15.00-de Ulttyq kitaphanada «Mazmundama» jobasy aıasynda «Kóshbasshylyq» jınaqtarynyń tusaýy kesiledi.