Qazaqstanda 260 mektep kúrdeli jóndeýden ótip jatyr

ASTANA. QazAqparat - Bilim berý uıymdaryn júıeli monıtorıngileý bıylǵy jyldyń mamyr aıynan bastap júrip jatyr. Jańa oqý jylynyń qarsańynda búkil mektepterdiń daıyndyǵy taǵy bir keshendi monıtorıngten ótti, dep habarlaıdy QazAqparat.

Monıtorıngtiń maqsaty – mektepterdiń oqý jylyna daıyndyǵynyń jaı-kúıin anyqtaý, oqýshylardyń qaýipsiz jáne jaıly ortada bilim alýyna jaǵdaı týdyrý.

Oqý nysandaryn aralaý kezinde mınıstrlik ókilderi mektepterdiń qazirgi ahýalyna, resýrstaryna jáne bilim salasyndaǵy NQA talaptaryna sáıkestigine taldaý júrgizdi.

Atap ótý kerek, ákimdikter josparlaǵan 193 mektepte kúrdeli jóndeý jumystary 1 qyrkúıekke deıin aıaqtalady.

Sondaı-aq, monıtorıng nátıjesinde anyqtalǵany: kelisimshartqa sáıkes kúrdeli jóndeý jumystary 51 mektepte jyldyń sońynda, al 17 mektepte kelesi jyldyń basynda aıaqtalady.

Ákimdikterge oqý jyly bastalǵanǵa deıin oqý baǵdarlamalaryn ázirleý, qaýipsizdikti qamtamasyz etý boıynsha qajetti sharalardy qabyldaý, oqý protsesin uıymdastyrý jáne oqýshylardy bilim berý uıymdaryna jáne keri úılerine tasymaldaýdy uıymdastyrý úshin ýaqytsha bilim alý oryndaryn aıqyndaý týraly usynymdar berildi.

Mınıstrlik bilim berý uıymdaryndaǵy jóndeý jumystarynyń barysyn kún saıyn qadaǵalap otyrǵanyn aıta ketý kerek.

Bul monıtorıng balalarymyzdyń sapaly bilim alýynyń, bilim berý mekemeleriniń jańa oqý jylyna daıyndyǵyn arttyrýdyń negizgi quraly bolyp tabylady.

Osy jyldyń tamyz aıynyń sońynda mınıstrlik kezekti monıtorıng júrgizýdi josparlap otyr.

Bul baǵyttaǵy jumystar áli de jalǵasyp jatyr.