Qazaqstanda 26 JOO-nyń áskerı kafedrasy alǵash ret qyzdardy áskerı mamandyqqa oqytady
ASTANA. QazAqparat - Osy jyly alǵash ret Qazaqstannyń 26 joǵary oqý ornynyń áskerı kafedrasynda qyzdardy oqytyp-úıretý júzege asyrylady. Daıyndyq eki áskerı mamandyq boıynsha júrgiziledi. Ol: baılanys bólimshelerin qoldaný (áskerı baılanysshylar), avtomattandyrylǵan qaýipsizdik júıelerin qoldaný (esepteýish tehnıka quraldarynyń obektileri men basqarý júıelerin avtobasqarýǵa arnalǵan mamandar).
QR QM Bilim jáne ǵylym departamentinde atap ótkendeı, áskerı kafedraǵa túsý úshin qyzdarǵa medıtsınalyq kýálandyrýdan ótip, dene daıarlyǵy normatıvteri men psıhologııalyq testileýdi tapsyrý qajet. Osylaısha, qyzdar jigittermen qatar ózderiniń negizgi bilimine qosymsha áskerı mamandyq boıynsha bilim alýlaryna múmkindikteri bar, al Qarýly kúshteri óz kezeginde, qosymsha daıyndalǵan jumyldyrylǵan resýrs ala alady.
Áskerı kafedrada teorııalyq sabaqtar praktıkalyq oqytyp-úıretýmen aıaqtalady. Oqyp-úırenýshiler Qarýly kúshterdiń áskerı bólimderi bazasynda daıyndyqtan ótedi, dalalyq jaǵdaılarda alǵan bilimderin qoldanýdy úırenedi. Oqý aıaqtalysymen barlyq oqyp-úırenýshilerge «leıtenant» ofıtserlik áskerı ataǵy beriledi. Olar joǵary bilimi týraly dıplommen birge zapastaǵy ofıtserdiń áskerı bıletin alady jáne avtomatty túrde jumyldyrylǵan rezervke engiziledi, - QR QM baspasóz qyzmeti.
