Qazaqstanda 26 tamyzda ótetin mańyzdy sharalarǵa sholý
ASTANA. QazAqparat - «QazAqparat»á Halyqaralyq aqparat agentigi Qazaqstanda 26 tamyzda ótetin mańyzdy sharalar legi jaıly sholýdy usynady.
Saǵat 10:00-de «Dáýlet» sport kesheninde Qazaq kúresinen Azııa chempıonaty bastalady.
Saǵat 11:00-de Qajymuqan Munaıtpasuly atyndaǵy Ortalyq stadıonda Qazaqstan Respýblıkasy Konstıtýtsııasy kúnine arnalǵan spartakıada ótkiziledi.
ALMATY
Saǵat 09:00-de «Sporttyq Almaty» qalalyq baǵdarlamasy aıasynda QR Konstıtýtsııa kúnine arnalǵan kezekti velosherý uıymdastyrylady. Bul joly baǵdardyń uzaqtyǵy 8 shaqyrymdy quramaq. Velosherýge nıet bildirgender «Nurly Taý» bıznes-ortalyǵynyń aýmaǵynan sapardy bastap, Tuńǵysh Prezıdent baǵynda sherýdi aıaqtamaq.
Saǵat 18:00-de Esentai Gallery kórme zalynda Denıs Tenniń qurmetine arnalǵan D10 WORLD ashylady. Kórmeniń ashylýyna «Denıs Ten Qory» men qazaqstandyq mánerlep syrǵanaýshynyń dostary muryndyq bolyp otyr.
