Qazaqstanda 26 qazanda ótetin mańyzdy sharalarǵa sholý

NUR-SULTAN

Saǵat 09.00-de respýblıkalyq «Jas Ulan» mektebiniń sport kesheninde jýrnalıst Galına Polevaıany qoldaýǵa arnalǵan qaıyrymdylyq týrnır ótedi.

Saǵat 11.00-de Nazarbaev Ýnıversıteti aldyńǵy jyldardaǵy túlekterin biriktiretin úshinshi kezdesýi ótedi.

Saǵat 12.00-de Oqýshylar saraıynyń júldesine arnalǵan grek-rım kúresinen jasóspirimder arasyndaǵy respýblıkalyq jarys ótedi.

Saǵat 14:00-de elordalyq Dostyq úıinde Qazaqstan halqy Assambleıasy ǵylymı-sarapshylyq keńesiniń 10 jyldyq mereıtoıy aıasynda «Dáýir jáne tulǵa» atty halyqaralyq ǵylymı-aǵartýshylyq jobasynyń keńeıtilgen otyrysy ótedi.

Saǵat 15.00-de Mahambet Ótemisuly atyndaǵy Oqýshylar saraıynda «Biz birtutaspyz!» atty IV Halyqaralyq ýkraın halyqtyq óner festıvali ótedi.

Saǵat 18.00-de «Astana operada» «Korsar» baleti qoıylady.

ALMATY

Saǵat 13.00-de «Tsezar» kınoteatrynda rejısser Bekarys Elýbaevtyń «Bala Qashyq» fılminiń premerasy ótedi. Balalarǵa arnalǵan fılm Qazaqstan Respýblıkasy Mádenıet jáne sport mınıstrliginiń tapsyrysymen túsirilgen. Shoýdan keıin túsirilim tobynyń qatysýymen baspasóz konferentsııasy ótedi.

Saǵat 15.00-de Abaı atyndaǵy Qazaq akademııalyq opera jáne balet teatrynda «HHІ ǵasyr juldyzdary» halyqaralyq festıvaline arnalǵan baspasóz máslıhaty ótedi. Jýrnalısterdiń baspasóz konferentsııasynan keıin Sankt-Peterbýrg pen Berlınnen kelgen qonaqtardyń qatysýymen «Aqqý kóliniń» balettik qoıylymy bastalady.

Saǵat 16.00-de Respýblıka saraıynda joba avtory - «Jandaný álemi» qorynyń negizin qalaýshy Álııa Nazarbaevanyń, Mádenıet jáne sport mınıstri Aqtota Raıymqulovanyń, Almaty qalasynyń ákimi Baqytjan Saǵyntaevtyń qatysýymen «Bala daýysy» ulttyq balalar án baıqaýynyń IY maýsymynyń qorytyndy kontserti jáne marapattaý rásimi ótedi.

Saǵat 17.00-de Balýan Sholaq atyndaǵy mádenıet jáne sport saraıynda kásipqoı boks keshi ótedi. Jarys aıasynda tanymal qazaqstandyq boksshylar men AQSh, Qytaı jáne Eýropa elderiniń ókilderiniń qatysýymen 9 jekpe-jek ótedi.