Qazaqstanda 25,9 mln tonna astyq bastyryldy

ACTANA. KAZINFORM – Egin jınaý naýqany aıaqtalýǵa jaqyn, dep habarlady AShM.

- Dándi jáne dándi-burshaqty daqyldardyń boljamdy jınaý alańy 16 mln gektardan asady. Búgingi tańda 15,5 mln gektar nemese jalpy egis alqaptarynyń 96,8%-y jınaldy. Nátıjesinde 25,9 mln tonna astyq bastyryldy, - delingen aqparatta.

Dándi daqyldardan bólek, aýyl sharýashylyǵy taýaryn óndirýshiler 2,9 mln tonna maıly daqyl, gektaryna 228,5 tsentner ónimdilikpen 2,7 mln tonna kartop jáne gektaryna 305,1 tsentner ónimdilikpen 3,6 mln tonna kókónis jınady.

Atap aıtqanda, 319,3 ts/ga ónimdilikpen 441,6 myń tonna qyryqqabat, 429,4 ts/ga ónimdilikpen 1029,8 myń tonna pııaz, sondaı-aq 296,1 ts/ga ónimdilikpen 379,4 myń tonna sábiz jınaldy.

Egin jınaý naýqany uıymdasqan túrde, agrotehnıkalyq talaptarǵa saı merzimde ótýde.

Aıta keteıik, Qazaqstan Túrkııa naryǵyna sıyr eti men astyq eksportyn keńeıtpek.