Qazaqstanda 251 oıyn-saýyq jáne demalys saıabaǵy jumys isteıdi

ASTANA. KAZINFORM – 2024 jyldyń qorytyndysy boıynsha elimizde 251 oıyn-saýyq jáne demalys saıabaǵy jumys istegen, bir jylda olardyń sany 9,1% artty. Bul týraly Ulttyq statıstıka bıýrosynyń baspasóz qyzmeti habarlady. 

Óńirler bólinisinde demalys oryndarynyń eń kóp sany Túrkistan oblysynda (32 birlik), Shymkent qalasynda (29 birlik) jáne Qaraǵandy oblysynda (28 birlik). 

2024 jyly oıyn-saýyq jáne demalys saıabaqtaryna 15,5 mln adam barǵan. Barýshylar sanynyń eń kóbi Astana (3,2 mln kelý), Shymkent (2,7 mln kelý) jáne Almaty (2,5 mln kelý) qalalarynda baıqalǵan.

Menshik nysany boıynsha demalys saıabaqtarynyń 29%-y memlekettik menshikte, 69,3%-y jeke menshikte jáne 1,5%-y sheteldik menshikte.

Demalys oryndarynyń 131 ashyq aspan astynda, 120 oryn ǵımarat ishinde ornalasqan. Aýyldyq jerlerde 51 oıyn-saýyq jáne demalys orny jumys isteıdi, bul jalpy kórsetkishtiń – 19,1%.

Demalys oryndarynda attraktsıondar men oıyn avtomattary túrindegi saýyq qurýǵa arnalǵan 3 923 nysan bar.

Eske sala keteıik, buǵan deıin Shymkenttegi «Qııal álemi» oıyn-saýyq saıabaǵy sot sheshimimen buzylatynyn jazǵan edik.