Qazaqstanda 250-den astam emdeý jáne dıagnostıka hattamasy qaıta qaralady

ASTANA. QazAqparat – Bıyl QR Densaýlyq saqtaý mınıstrligi 250-den astam emdeý jáne dıagnostıkalaý hattamasyn qaıta qaramaqshy. Vedomstvonyń qorytyndy alqa májilisinde Ajar Ǵınııat osyndaı josparyn bólisti, dep habarlaıdy QazAqparat tilshisi.

«2023 jyly onkologııalyq qyzmetti keshendi túrde jańǵyrtý josparlanǵan. Sondaı-aq, halyqqa kórsetiletin mamandandyrylǵan jáne joǵary tehnologııaly kómekti jetildirý úshin 250-den astam emdeý jáne dıagnostıkalaý hattamasyn qaıta qaraý kózdelip otyr», - dedi Ajar Ǵınııat.

Bul hattamalar ásirese júrek-qantamyr júıesi, onkologııalyq aýrýlar sııaqty dertterge qatysty bolmaq.

«Osynyń arqasynda naýqastardy emdeý taktıkasyn halyqaralyq, jalpy qoldanystaǵy standarttarǵa meılinshe jaqyndatýǵa bolady», - dedi vedomstvo basshysy.