Qazaqstanda 25 naýryz kúni qandaı joldar jabyldy jáne ashyldy

«QazAvtoJol» ulttyq kompanııasy elimizdegi avtojoldardyń qazirgi jaǵdaıy týraly aqparatty usyndy.

Jabyq joldar (saǵat 08:00–degi jaǵdaı boıynsha):

Qazirgi ýaqytta úsh oblystaǵy úsh respýblıkalyq avtojolda qozǵalysqa shekteý engizildi.

Aqtóbe oblysy:

— «Qandyaǵash — Embi — Shalqar — Yrǵyz» avtojoly, 3-92 shaqyrym aralyǵy (Qandyaǵash qalasy — Embi qalasy aralyǵy).

Qostanaı oblysy: 

— Qazaqstan-Reseı shekarasyndaǵy beıtarap aımaq, Marınovka aýyly mańy (RF aýmaǵy).

Soltústik Qazaqstan oblysy:
— «Petropavl qalasynyń aınalma joly», 4-7 shaqyrym aralyǵy (Kojabergen jyraý aınalma jolynan Esil ózeni arqyly ótetin kópirge deıin).

Ashyq joldar (barlyq kólik túrlerine):

Shyǵys Qazaqstan oblysy:  

— «Óskemen — Altaı — Úlken Naryn — Katonqaraǵaı — Rahman qaınary» avtojoly, 6-166 shaqyrym aralyǵy (Ýshanovskoe aýyly — Altaı qalasy aralyǵy).

Abaı oblysy: 

— «QHR shekarasy — Maıqapshaǵaı — Zaısan aınalma joly — Qalbataý — Semeı — Pavlodar — RF shekarasy» avtojoly, 910-1002 shaqyrym aralyǵy (Qalbataý aýyly — Kókpekti aýyly aralyǵy).

Aıta keteıik, SQO-da drondar naqty ýaqyt rejıminde sý tasqynyn baqylaýǵa aldy.