Quryltaı saılaýy: elde 25 myńǵa jýyq qoǵamdyq baıqaýshy jumys istep jatyr

Bul týraly jalpyulttyq onlaın-marafon aıasynda «Daýys» qoǵamdyq baıqaýshylar koalıtsııasynyń tóraǵasy Tólegen Kúnádilov aıtty.

Onyń sózinshe, olardyń barlyǵy saılaý zańnamasynyń talaptaryn zerdelep, arnaıy daıyndyqtan ótken. 

Túrkııa Uly Ulttyq Májilisiniń depýtaty Osman Mesten de saılaý barysyn baqylap, Quryltaı saılaýynyń konstıtýtsııalyq reformalardy odan ári damytý turǵysynan mańyzdy saıası bastama ekenin atap ótti.

Ol saılaý halyqaralyq jáne konstıtýtsııalyq normalarǵa sáıkes ótip jatqanyn alǵa tartty.

Budan buryn Táýelsiz memleketter dostastyǵy baıqaýshylar mıssııasynyń basshysy Igor Petrıshenko Qazaqstandaǵy Quryltaı saılaýyna halyqaralyq baıqaýshylar tarapynan júrgizilip jatqan monıtorıng nátıjeleri týraly aıtty.