Qazaqstanda 25 mamyrda ótetin mańyzdy sharalarǵa sholý

ASTANA

Saǵat 9:00-de «Hilton Astana» qonaq úıinde eńbek ónimdiligin arttyrý máseleleri boıynsha VII Halyqaralyq ǵylymı-tájirıbelik konferentsııa  ótedi. Konferentsııaǵa mınıstrlikter men vedomstvolardyń, ákimdikterdiń, ulttyq kásipkerler palatasynyń, damý ınstıtýttarynyń, otandyq ónerkásiptik kásiporyndardyń ókilderi, sondaı-aq Ulybrıtanııa, Reseı jáne basqa da elderden sarapshylar qatysady dep josparlanýda.

Saǵat 10:00 kezinde Senatta «Balyq sharýashylyǵyndaǵy ınnovatsııalyq damý perspektıvalary jáne qazirgi jaı-kúıi, eksportqa baǵyttalǵan ónim shyǵarý máselesi» taqyrybynda QR Aýyl sharýashylyǵy mınıstrliginiń basshylyǵymen kezdesý ótedi.

Saǵat 10:00-de trıatlon parkinde Sport jármeńkesi ashylady.

Saǵat 11:00-de Aqordada QR Memlekettik hatshysy Gúlshara Ábdiqalyqovanyń QR Prezıdenti janyndaǵy Ulttyq Joǵary Memlekettik basqarý mektebiniń tyńdaýshylarymen kezdesýi uıymdastyrylady.

Saǵat 11:00-de QR Investıtsııalar jáne damý mınıstrligi«Qaýipti óndiristik nysandardaǵy óndiristik qaýipsizdiktiń jaǵdaıy» taqyrybynda brıfıng ótkizedi.

Saǵat 11:00 kezinde «Atameken» UKP alańynda shetelden ımporttalatyn qus etinde salmonella bakterııasynyń anyqtalýy jaǵdaılaryna qatysty talqylaý ótedi.

Saǵat 12:20-da Ortalyq kommýnıkatsııalar qyzmetinde Almaty oblysynda «Rýhanı jańǵyrý» baǵdarlamasyn júzege asyrý boıynsha óńir ákimi Amandyq Batalovtyń qatysýymen brıfıng bolady.

Sonymen qatar saǵat 14:30 kezinde OKQ alańynda 2018 jyly tegin medıtsınalyq kómektiń kepildi kólemi  men dári-dármekti qarjylandyrý barysyna arnalǵan baspasóz máslıhaty uıymdastyrylady.

Saǵat 16:00-de Aqordada QR Memlekettik hatshysy Gúlshara Ábdiqalyqovanyń tóraǵalyǵymen QR Prezıdenti janyndaǵy Azamattyq máseleleri jónindegi komıssııanyń otyrysy ótedi.

Saǵat 16:00-de Mınıstrlikter úıinde QR Densaýlyq saqtaý mınıstri Eljan Birtanov úkimettik emes uıymdardyń ókilderimen kezdesedi. Jıyn barysynda halyqty dári-dármekpen qamtamasyz etý men medıtsınalyq qyzmetti kórsetýdiń sapasy máseleleri talqylanady.

Saǵat 16.00-de Qazaqstan Respýblıkasynyń Ulttyq akademııalyq kitaphanasynda «Astana jaýharlary» atty kórme ótedi.

Saǵat 18:30 kezinde Beıbitshilik jáne kelisim saraıynda «Jas qanat» 27-shi respýblıkalyq jas ánshiler konkýrsy ashylady.

  ALMATY

Saǵat 10:00-de QR Ortalyq memlekettik arhıvi QR Ortalyq memlekettik kıno-fotoqujattar men dybys jazbalar arhıvimen birlese «Dańqty partızan Qasym Qaısenov» atty dóńgelek ústel otyrysyn ótkizedi. Bul shara jazýshy,  Halyq qaharmany Q. Qaısenovtyń 100 jyldyǵyna arnalyp otyr.

Saǵat 15:00-de QR Ulttyq kitaphanasynda   aqyn, halyq jazýshysy, jýrnalıst Farıza Ońǵarsynova jaıly jazylǵan estelikter jınaǵynyń tusaýkeser rásimi ótedi. Estelikter jınaǵy búgingi oqyrmanǵa arnalǵanymen, negizgi maqsaty - keleshek urpaq úshin Farıza aqynnyń qarapaıym tirshilik ortasynda  qandaı bolǵandyǵyn, bolmys-bitimin, san-qyrly minezin, tanym-talǵamyn jetkizý bolmaq.

Saǵat 17:00 kezinde Qazaqstan qor bırjasy óziniń 25 jyldyǵyna arnap KASE Talks dáristeriniń tsıklin ótkizedi. Sharaǵa tanymal qazaqstandyq qarjygerler qatysady.

ATYRAÝ

Saǵat 12:00-de  Saltanat saraıynda «Mereıli otbasy» ulttyq baıqaýynyń oblystyq kezeńi ótedi.

Saǵat 14:00-de Qurmanǵazy atyndaǵy mádenıet saraıynda oblys ákimi Nurlan Noǵaevtyń qatysýymen  «Bilim-Innovatsııa» lıtseı-ınternatynda «Syńǵyrla, kúmis qońyraý» atty saltanatty jıyny ótedi.

PAVLODAR

Saǵat 12:00-de oblys ákimi Oqýshylar saraıynda ІT-synyptardyń ashylýyna qatysady.