Qazaqstanda 25 adamǵa hımııalyq kastratsııa jasalmaq
NUR-SULTAN. QazAqparat – 25 sottalýshyǵa sot sheshimimen hımııalyq kastratsııa jasalmaq. Bul týraly QR ІІM Ákimshilik polıtsııa komıteti tóraǵasynyń orynbasary Alekseı Mılıýk aıtty, dep habarlaıdy QazAqparat tilshisi.
«Búgingi kúni qylmystyq-atqarý júıesi mekemelerinde jazasyn ótep jatqan 25 sottalýshyǵa sot sheshimimen hımııalyq kastratsııa túrindegi medıtsınalyq májbúrleý sharasy qoldanylady», - deıdi Alekseı Mılıýk Ortalyq kommýnıkatsııalar qyzmetinde ótken brıfıngte.
Eske sala ketsek, buǵan deıin turmystyq zorlyqqa qatysty jaýapqa tartylǵandardyń 80 paıyzy esh jerde jumys istemegender ekeni týraly jazdyq.
