Qazaqstanda 240-tan astam saıtty shekteý jóninde usynys jasaldy

ASTANA. QazAqparat - Dinı baǵyttaǵy 244 saıtty shekteýge usynys jasaldy. Bul týraly búgin Ortalyq kommýnıkatsııalar qyzmetinde QR Mádenıet jáne sport mınıstrligi Din isteri komıtetiniń tóraǵasy Ǵalym Shoıkın málim etti.

"Biz búginde ınternet-keńistikke baqylaý júrgizip kelemiz. Onda biz destrýktıvti aqparattary bar dinı baǵyttaǵy saıttardy qarap otyramyz. Bıyl biz 8 myńnan astam saıtqa taldaý jasadyq jáne tıisti organdarǵa 244 saıtqa shekteý jasaý jóninde usynys jasadyq", - dep atap ótti ol.

Onyń sózine qaraǵanda, saralaý kezinde 100-den astam beınematerıaldy Qazaqstanda taratýǵa tyıym salyndy.