Qazaqstanda 240 myń búldirshin balabaqsha kezeginde tur

Oǵan qosa,    mektepke  deıingi jastaǵy    820   myń  bala   úı  jaǵdaıynda tárbıelenýde.   Balabaqsha problemasy ásirese  Almaty  (40,4 myń), Ońtústik Qazaqstan (21,1 myń)  oblystarynda, Almaty  (24,4 myń) jáne  Astana  (18,9 myń) qalalarynda ótkir tur.

1991   jylǵy  málimetter  boıynsha,  8 743 balabaqsha bolsa, 2009 jylǵy  shildeniń  1-indegi  jaǵdaı  boıynsha   respýblıkada 1 831   balabaqsha jumys isteıdi,  onyń 205-i - jekemenshik.   1990-shy jyldary    balabaqshalardyń  kópshiligi  jekeshelendirildi  jáne   jabyldy.

Mektepke  deıingi   uıymdardyń  jelisin  arttyrý  jónindegi jumystar 2006    jylǵa deıin     júıeli negizde atqarylǵan  joq.   Tek sońǵy 3 jylda  ǵana  548     balabaqsha ashyldy,   onyń 36-sy  - jańa  ǵımarattarda ornalasty.  Ótken   3 jylda   buryn jekeshelendirilgen,  qıratylǵan   nemese  basqa maqsatta     paıdalanylyp  kelgen  512 balabaqsha ǵımaraty   qalpyna keltirildi    jáne qaıtaryldy.

Elbasynyń «Nur Otan»  partııasynyń    2009 jylǵy mamyrdyń 15-indegi  sezinde   bergen tapsyrmasyna sáıkes,  2009-2012     jyldardyń  bıýdjetinde   200     balabaqshanyń    qurylysy   qarastyrylǵan,  onyń  19-y - aǵymdaǵy jyldyń sońyna  deıin,  67-si- 2010   jyly,   63-i- 2011 jyly,  43-i - 2012 jyly  salynady.   Bul sharalar  balabaqsha  kezegin  57 400 orynǵa jeńildetýge múmkindik beredi.