Qazaqstanda 240 001 teńge jáne odan joǵary jalaqy alatyn qyzmetkerlerdiń úlesi 5,6 paıyzdy qurady
ASTANA. 21 qazan. QazAqparat - Qazaqstan Respýblıkasyndaǵy eseptelgen jalaqy mólsherleri boıynsha qyzmetkerler sanyn bólý boıynsha biryńǵaı zertteý jumystary eki jylda bir ret júrgiziledi. Derekterdi jınaqtaý kásipkerlik qyzmetpen aınalysatyn kishi kásiporyndardyń esebinsiz barlyq kásiporyndar men uıymdar boıynsha júrgiziledi. Zertteý maýsym aıynda tolyq jumys istegen qyzmetkerlerdi qamtıdy.
«2013 jylǵy maýsymda tolyǵymen jumys istegen qyzmetkerler sany 3 024,3 myń adamdy qurady. Onyń ishinde erler 1 556,4 myń adamdy (51,5%), áıelder 1 468,0 myń adamdy (48,5%) qamtydy»,-delingen QR Statıstıka agenttiginiń málimetinde.
Qyzmetkerlerdiń sanyn toptaý naqty eseptelingen jalaqy kólemine sáıkes júzege asyrylǵan. 30 000 teńgege deıingi ortasha aılyq jalaqyny 8,7% qyzmetkerler alǵan, 30 001-den 75 000 teńgege deıin - 41,6%, 75 001-den 105 000 teńgege deıin - 19,9%, 105 001-den 150 000 teńgege deıin - 15,3%, 150 001-den 240 000 teńgege deıin - 8,9%, 240 001 teńge jáne odan joǵary - 5,6% qyzmetkerlerge tıesili.
Respýblıkadaǵy qyzmetkerlerdiń kópshiliginde ortasha aılyq jalaqysynyń shamasy 30 001-den 75 000-ǵa deıin aýytqydy. 30 001-den 75 000 teńgege deıin ortasha aılyq jalaqysyn Soltústik Qazaqstan oblysynda 51,6% qyzmetkerler alǵan, al Mańǵystaý oblysynda - 27,0%. Eseptelgen jalaqysynyń deńgeıi 330 001 teńge jáne odan joǵary alǵan qyzmetkerlerdiń eń kóp úlesi Mańǵystaý (12,9%) jáne Atyraý (10,2%) oblystarynda belgilendi.
Ekonomıkalyq qyzmet túrleriniń bólinisinde 30 000 teńgege deıin eseptelgen jalaqy qyzmetkerlerdiń eń joǵary úlesi aýyl, orman jáne balyq sharýashylyǵy salasynda (23,3%) belgilendi, al 330 001 teńge jáne odan joǵary - qarjy jáne saqtandyrý qyzmeti (11,2%), sonymen qatar kásibı, ǵylymı jáne tehnıkalyq qyzmet salasynda (11,1%) belgilendi.
