Qazaqstanda 24 sáýirde ótetin mańyzdy sharalarǵa sholý

NUR-SULTAN

8.30-da «Radisson Hotel Astana» qonaq úıinde Qazaqstan, Ózbekstan, Tájikstan, Túrikmenstan, Qyrǵystan, Ázerbaıjan, Armenııa, Grýzııa elderi Parlament depýtattarynyń, densaýlyq saqtaý, aýyl sharýashylyq, qarjy, bilim berý mınıstrlikteriniń qatysýymen Ortalyq Azııa men Kavkaz elderinde balalar men jasóspirimderdiń tamaqtanýyn jaqsartý jóninde sımpozıým bastalady.

10.00-de QR Parlamenti Májilisiniń jalpy otyrysy bastalady.

10.00-de «Dýman» qonaq úı kesheninde «Mashına jasaýshylardyń salalyq kásibı odaǵy» QQ kezekten tys IH sezi ótedi.

11.00-de Qazaqstan Ortalyq kontsert zalynyń májilis zalynda QR Jastar jylyna arnalǵan 22-shi jyl saıynǵy «Qazaqstan arýy-2019» Ulttyq baıqaýy týraly baspasóz máslıhaty ótedi.

12.00-de Aqordada Majarstannyń Premer-Mınıstri V.Orbannyń Qazaqstanǵa resmı sapary bastalady.

12.00-de QR Qarýly Kúshteriniń «Ulttyq áskerı-patrıottyq ortalyǵynyń» májilis zalynda Baıqońyr qalasynyń aýdandyq fılıalynyń «Nur Otan partııasynyń bir sáti», «Úzdik bastaýysh partııa uıymy» baıqaýlarynyń jeńimpazdary marapattalady. Shara Nur Otan partııasynyń 20 jyldyǵyna oraılastyrylǵan.

12.00-de Sputnik Kazahstan mýltımedıalyq baspasóz ortalyǵynda Qazaqstandaǵy pallıatıvti kómekti damytý máselelerine arnalǵan brıfıng ótedi.

15.00-de «Wyndham Garden Astana» qonaq úıinde «Aq jol» demokratııalyq partııasynyń kezekten tys XV quryltaıy ótedi. Sezd prezıdenttik saılaýǵa qatysý jáne partııa atynan úmitkerlerdi usyný máselelerin qarastyrady.

15.00-de Nazarbaev ortalyǵynda «Prezıdenttik ınstıtýt - memlekettilikti nyǵaıtýdyń faktory» dóńgelek ústeli ótedi. Іs-sharany QR Tuńǵysh Prezıdenti - Elbasy kitaphanasy men QR Prezıdenti janyndaǵy Qazaqstan strategııalyq zertteýler ınstıtýty uıymdastyrady.

15.00-de QR Ulttyq mýzeıiniń 5 jyldyǵy men Jastar jyly aıasynda QR Ulttyq mýzeıinde «Men jastarǵa senemin!» atty shyǵarmashyl jastardyń kezdesýi ótedi.

16.00-de Ortalyq saılaý komıssııasynda lıngvıstıkalyq komıssııanyń otyrysy ótedi.

16.00-de Dostyq úıinde Nur-Sultan qalasynyń Qazaqstan halqy Assambleıasy «Parasat» qaıyrymdylyq ortalyǵy ashylady.

16.20-da Ortalyq kommýnıkatsııalar qyzmetinde QR Indýstrııa jáne ınfraqurylymdy damytý mınıstrligi Qurylys jáne turǵyn úı kommýnaldyq sharýashylyq isteri komıtetiniń qatysýymen «2018 jylǵy sýmen jabdyqtaý jáne sý burý júıelerin damytý qorytyndylary boıynsha» baspasóz máslıhaty ótedi.

ALMATY

10.00-de S. Asfendııarov atyndaǵy QazUMÝ «Konkordııa» teatrynda «Aqanov oqýlary: densaýlyq saqtaýdyń ámbebap qamtýdaǵy alǵashqy medıtsınalyq-sanıtarlyq kómek kórsetý roli» atty stýdentter, jas ǵalymdar men oqytýshylardyń halyqaralyq ǵylymı-praktıkalyq konferentsııasy ótedi.

11.00-de «Atakent» ortalyǵynda «Securex 2019 - Kúzet, qaýipsizdik, qutqarý jáne órtten qorǵaý quraldary» atty Qazaqstannyń 9-shy kórmesi ótedi.

11.00-de «Turan» ýnıversıtetinde Almaty qalasynyń №3 qoǵamdyq keńesi komıssııasynyń keńeıtilgen otyrysy ótedi. Otyrysta Qalalyq veterınarlyq qyzmettiń 2018 jylǵy qyzmeti jáne 2019 jylǵa jumys jospary talqylanady.

19.00-de Respýblıka saraıynda 2019/20 kúz ben qysqa arnalǵan Kazakhstan Fashion Week ashylady.

ShYMKENT

10.00-de qalalyq QR Memlekettik basqarý akademııasynyń fılıalynda oblystaǵy aýdan, qalalyq saılaý komıssııasy tóraǵalaryna arnalǵan oqytý semınarlary ótedi.

QYZYLORDA

11.00-de Á.Tájibaev atyndaǵy oblystyq ámbebap ǵylymı kitaphanasynda «Jyr mura» jobasynyń ashylý saltanaty ótkiziledi.