Qazaqstanda 24 mamyrda ótetin mańyzdy sharalarǵa sholý

ASTANA

Saǵat 9.00-de medıtsınalyq ýnıversıtette ýrologtar men andrologtardyń I Halyqaralyq kongresi ótedi.

Saǵat 10.00-de Álıhan Bókeıhan №15 mekenjaıynda Qazaqstannyń táýelsizdigi men erkindigi úshin kúres júrgizip, opat bolǵan tulǵalardy aqtaý men olardyń máńgi este qaldyrýǵa baǵyttalǵan «Qaharmandar» qoǵamdyq qory keńsesiniń saltanatty ashylýy ótedi.

Saǵat 10.30-da «Qazaqstandaǵy ǵarysh kúnderi» men «KADEX-2018» Halyqaralyq kórmesin ótkizý aıasynda Ulttyq ǵarysh ortalyǵynda Qazaqstan, Reseı, Japonııa elderiniń ǵaryshkerleri men Astana qalasyndaǵy mektep oqýshylarynyń kezdesýi bastalady.

Saǵat 11.00-de Májilistiń  Ekonomıkalyq reforma jáne óńirlik damý komıteti «Nurly Jer» turǵyn úı baǵdarlamasyn iske asyrý barysy týraly» atty dóńgelek ústel ótkizedi. Depýtattardyń aldynda Investıtsııalar jáne damý vıtse-mınıstri Qaıyrbek Óskenbaev baıandama jasaıdy.

Saǵat 11.00-de «Alpamys» teatr-tsırk shoýy alańynda baspasóz týry bastalady.

Saǵat 12.20-da Ortalyq kommýnıkatsııalar qyzmetinde teńge ilýden ІІ Azııa chempıonaty men aýdaryspaqtan ІІІ Azııa chempıonatyn ótkizý týraly baspasóz máslıhaty ótedi.

Saǵat 12.30-da «Hılton» qonaqúıinde UQShU-ǵa múshe memleketterdiń Qaýipsizdik keńesi hatshylary komıtetiniń kezekti otyrysy bastalady.

Saǵat 15:00-de «Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýynyń aıasynda Qazaqstan Respýblıkasyndaǵy qatty turmystyq qaldyqtardy kádege jaratý men basqarý tetigin jetildirý» taqyrybynda «Nur Otan» partııasynyń ortalyq apparatynda dóńgelek ústel ótedi.

Saǵat 15:00-de Eýrazııa ulttyq ýnıversıtetiniń bas ǵımaratynyń ǵylymı zalynda Astananyń 20 jyldyǵyna arnalǵan «Astana - Táýelsiz Qazaqstannyń sımvoly» atty Halyqaralyq ǵylymı-praktıkalyq konferentsııa ótkiziledi.

Saǵat 15.00-de Izraıldiń Qazaqstandaǵy Elshiligi ALJIR mýzeı-memorıaldyq kesheniniń aýmaǵynda eskertkish taqtasyn ashady.

Saǵat 16.00-de Aqordada QR Memlekettik hatshysy Gúlshara Ábdihalyqovanyń tóraǵalyq etýimen shetelde kadrlardy daıarlaý jónindegi respýblıkalyq komıssııanyń otyrysy ótedi.

Saǵat 16.30-da Qazaqstan Respýblıkasynyń Ulttyq mýzeıinde «Ǵajap Qytaı. Aspan asty eliniń tartymdy oryndary» fotokórmesi ashylady.

Saǵat 17.00-de Elbasy kitaphanasynda «Qazaqstandaǵy Olımpıadalyq qozǵalys» atty turaqty ekspozıtsııasynyń saltanatty ashylýy bolady. Ekspozıtsııanyń ashylýy 23 maýsymda jyl saıyn atap ótiletin Halyqaralyq Olımpıada kúnin merekeleýge sáıkes kelip otyr. Іs-shara barysynda Qazaqstandaǵy Olımpıada qozǵalysynyń aılyǵy bastalady.

ALMATY

Saǵat 10.00-de Qazaqstan Respýblıkasy Bilim jáne ǵylym mınıstrliginiń Fılosofııa, saıasattaný jáne dintaný ınstıtýty «Qazaqstan qoǵamyn jańǵyrtý protsesindegi din jáne zaıyrlylyq» taqyrybynda dóńgelek ústel ótkizedi.

Saǵat 10.30-da Halyqaralyq balalardy qorǵaý kúni qarsańynda Qazaqstan Respýblıkasy Tuńǵysh Prezıdenti - Elbasy Qory Marat Ospanov atyndaǵy qormen birge balalar shyǵarmashylyǵy merekesin - «Meıirim» festıvalin uıymdastyrady.

Saǵat 14.00-de Almaty qalasyndaǵy Oqýshylar saraıynyń aldyndaǵy alańda Medeý aýdany ákimi Erjan Jylqybaevtyń azamattardyń kezekti kóshpeli qoǵamdyq qabyldaýyn ótkizedi.

ShYMKENT

Saǵat 12:00-de Shymkentte túrli mamandyq ıeleri - 100 adamnyń qatysýymen fleshmob ótedi. Іs-shara Kásipodaqtar kúnine arnalady. Ótetin orny - Táýelsizdik saıabaǵy.

KÓKShETAÝ

Saǵat 11:00-de Kókshetaý qalasynyń Dostyq úıinde «Mereıli otbasy» Ulttyq konkýrsynyń oblystyq kezeńiniń jeńimpazdaryn marapattaý rásimi ótkiziledi.

Saǵat 15:00-de Óńirlik kommýnıkatsııalar qyzmetinde Aqmola oblysynyń aýyl sharýashylyǵy basqarmasy basshysynyń orynbasary Dımash Talasbaevtyń qatysýymen «2018 jylǵy kóktemgi egis jumystaryna daıyndyq jáne mindetter týraly» brıfıng ótedi.

ATYRAÝ

Saǵat 12.00-de Atyraý oblysy Kásipkerlik jáne ındýstrııalyq - ınnovatsııalyq damý basqarmasy Astananyń 20 jyldyq mereıtoıyna arnalǵan QR óńirlerinde Astananyń kúnderi aıasynda «Astana-Atyraý oblysynyń aımaqaralyq yntymaqtastyq bıznes-forýmyn ótkizedi. Sharanyń ótetin orny - Oblys ákimdiginiń 2-qabatyndaǵy májilis zaly.

AQTÓBE

Saǵat 11.00-de Aqtóbe oblysynyń Óńirlik kommýnıkatsııalar qyzmeti alańynda «Qalany damytýdyń bas jospary. Jeke turǵyn úı qurylysy úshin jer ýchaskelerin bólý, jer ýchaskelerin túgendeý» taqyrybynda baspasóz máslıhaty ótedi.

Saǵat 14.30-da Shyǵarmashylyq akademııasynda «Mereıli otbasy» ulttyq baıqaýy oblystyq kezeńiniń qorytyndysy boıynsha úzdik otbasylardy saltanatty marapattaý rásimi bolady.