Qazaqstanda 24 qazanda ótetin mańyzdy sharalarǵa sholý

NUR-SULTAN

Saǵat 09.00-de EKSPO aýmaǵynda «Digital Bridge» halyqaralyq tehnologııalyq forýmy ótedi.

Saǵat 09.00-de Qazmedıa ortalyǵynda alǵash ret zań, bıznes, ǵylym, bilim t.b. salanyń jáne «Jas Otan» jastar qanaty ókilderiniń qatysýymen latyngrafıkaly jańa álipbı negizinde qazaq tilin jańǵyrtýdyń ózekti máseleleri talqylanady.

Saǵat 09.00-de Táýelsizdik saraıynda «Atameken» Ulttyq kásipkerler palatasynyń VI Sezi ótedi.

Saǵat 09.00-de «Nazarbaev Zııatkerlik mektepteri» derbes bilim berý uıymynyń XI halyqaralyq ǵylymı-tájirıbelik konferentsııasy ótedi.

Saǵat 09.00-de L.Gýmılev atyndaǵy EUÝ-da Qazaq ádebıetiniń klassıgi S.Seıfýllınniń 125 jydlyq mereıtoıyna oraı «Sáken Seıfýllın: tulǵa jáne ýaqyt» atty Halyqaralyq ǵylymı-praktıkalyq konferentsııa bastalady.

Saǵat 10.00-de «Radisson Hotel Astana» qonaq úıinde Qazaqstan Respýblıkasy Premer-Mınıstriniń Orynbasary Roman Sklıar men Belarýs Respýblıkasy Premer-Mınıstriniń birinshi orynbasary Aleksandr Týrchınniń tóraǵalyǵymen Qazaqstan-Belarýs bıznes-forýmy ótedi.

Saǵat 10.00-de QR Úkimetiniń baspasóz ortalyǵynda Prezıdenttik jastar kadrlyq rezervin qalyptastyrý máseleleri jóninde baspasóz konferentsııasy bastalady.

Saǵat 11.00-de «Qazaqstannyń avıatsııalyq ákimshiligi» AQ-da Qazaqstannyń azamattyq avıatsııany retteýdiń brıtandyq úlgisine kóshý boıynsha tehnıkalyq qoldaý kórsetý týraly jobany iske qosýǵa arnalǵan baspasóz konferentsııasy bastalady.

Saǵat 11.00-de «Januıa» otbasy ınstıtýtyn qoldaý ortalyǵynda Nur-Sultan qalasy ákiminiń orynbasary Máken Baqtııar Mákenulynyń qatysýymen Áleýmettik qorǵaý júıesi qyzmetkerleri kúnine arnalǵan saltanatty is-shara ótkiziledi.

Saǵat 14.00-de Senatta kollektorlyq jumys týraly zańnamany jetildirý máseleleri boıynsha dóńgelek ústel ótedi.

Saǵat 15.00-de Qazaqstan Respýblıkasy Ulttyq mýzeıinde halyqaralyq «Ónerdegi dop» art-kórmesi saltanattytúrde ashylady.

Saǵat 15.00-de «Nur Otan» partııasynyń Respýblıkalyq qoǵamdyq qabyldaý bólmesinde QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev azamattardy qabyldaıdy.

Saǵat 16.00-de «Nur Otan» partııasynyń ortalyq ǵımaratynda «Adam men etnıkalyq azshylyqtyń quqyǵyn qorǵaý» atty dóńgelek ústel ótedi.

Saǵat 17.00-de QR Ulttyq mýzeıinde «National Geographic Qazaqstan» jýrnaly men Qazaqstandaǵy AQSh elshiligi men konsýldyǵynyń birlese uıymdastyrýymen «Siz oılaǵannan da jaqyn... Amerıka men Qazaqstan» atty fotokórmeniń ashylý saltanaty bastalady.

Saǵat 19.00-de «Qazaqstan» ortalyq kontsert zalynda Qazaqkontsert» memlekettik kontserttik uıymynyń «Astana musical» memlekettik teatry «Shańyraq» mýzykalyq spektakliniń premerasyn usynady.

ALMATY

Saǵat 14.00-de «Respýblıkalyq protezdi-ortopedııalyq ortalyq» AQ-ta «Protezdi-ortopedııalyq saladaǵy jańasha tehnologııalar men ónimder» atty semınar qorytyndysy boıynsha brıfıng ótedi.

Saǵat 16.00-de «Turan» ýnıversıtetinde Almaty qalasynyń qoǵamdyq keńes músheleri aqyly avtoturaqtar jelisin keńeıtý, shaharda velosıped ınfraqurylymyn damytý máselelerin talqylaıdy.

KÓKShETAÝ

Saǵat 11:00-de Óńirlik kommýnıkatsııalar qyzmetinde «Azamattarǵa arnalǵan úkimet» memlekettik korporatsııasy Aqmola oblystyq fılıaly dırektorynyń orynbasary Nurbek Qaıyrjanov jýrnalıstermen «Halyqtyń memlekettik qyzmetterdi alýdaǵy jańa múmkindikteri» taqyrybynda brıfıng ótkizedi.