Qazaqstanda 24 aqpanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi 24 aqpan kúni Qazaqstanda bolatyn mańyzdy oqıǵalarǵa sholý jasaıdy.
Astana
Saǵat 09.30-da Astana qalasynyń ákimi Áset Isekeshev Astana Innovations Challenge jobasynyń, «Ashyq derekter» taqyrybynda hakaton túrindegi tehnologııalyq jobalar baıqaýyn ashyq dep jarııalaıdy.
Aqtóbe oblysy
Saǵat 11.00-de Shyǵarmashylyq úıinde balalar jyly ashylady. Qaıyrymdylyq sharasy bolyp, jetim balalarǵa syılyq beriledi.
Qylmystyń aldyn alý maqsatynda saǵat 14.00-de polıtehnıkalyq kolledjde esepte turatyn jastar men kolledj stýdentteri arasynda sporttyq jarys ótedi.
Batys Qazaqstan oblysy
Saǵat 11.30-da Oral qalasynyń «Jaıyq qalashyǵy» mańynda qusbegiler arasynda «Qansonar» respýblıkalyq týrnıri ashylady. Aq Jaıyq óńirinde alǵash ret uıymdastyrylyp otyrǵan, eki kúnge sozylatyn jarysqa elimiz óńirlerinen 35-40-taı qusbegi qatysady dep josparlanýda.
Pavlodar oblysy
Saǵat 15.00-de S.Toraıǵyrov atyndaǵy oblystyq kitaphanada Alekseı Mehedovtiń «Tynysh ómir» atty jeke kórmesi ashylady.
