Qazaqstanda 24-26 qazan kúnderi kúshti jel turyp, burqasyn bolady
ASTANA. QazAqparat - Ótken demalys kúnderi Qazaqstannyń birneshe óńirinde aýa raıyna baılanysty eskertý jarııalanǵan bolatyn, dep habarlaıdy «QazAqparat» HAA Qazgıdrometke silteme jasap.
Qazaqstan aýmaǵynda jaýyn-shashyndy aýa raıyn týyndatatyn tsıklon saqtalyp tur. Batys óńirdegi tsıklonnan soltústik jáne batys oblystarda jaýyn-shashyndy aýa raıy qalyptasyp keledi. 2017 jyldyń 24-26 qazan kúnderi keı jerlerde jańbyrdyń sońy qarǵa aınalady. Tsıklonnyń jyljýy jáne onymen baılanysty sýyq atmosfera aǵynyna baılanysty respýblıkanyń soltústik-shyǵys, soltústik, ortalyq jáne shyǵys oblystarynda qar jaýady, batystan soqqan jeldiń ekpini 23-28 m/s-qa deıin jetedi, keı jerlerde boran men kóktaıǵaq bolady. Qazaqstannyń ońtústik-shyǵysynda 25 qazanda jańbyr jaýady.
Taýly aýdandarda qazirdiń ózinde qar men jańbyr jaýýda. Aýa temperatýrasy eldiń kóp bóliginde klımattyq normadan 3-5ºS gradýsqa tómen bolady, ońtústik óńirlerde klımattyq norma saqtalady.
