Qazaqstanda 238 ǵana eńbek ınspektory bar – mınıstr
QR Eńbek jáne halyqty áleýmettik qorǵaý mınıstri Svetlana Jaqypova eńbek ınspektorlary jumysynyń tıimdiligin arttyrý joldaryn aıtty, dep habarlaıdy Kazinform.
«Elimizde 238 eńbek ınspektory bar. Ekonomıka mınıstrliginiń sarapshylarymen jańa fýnktsıonaldyq saraptama jasadyq. Olar 10 shtattyq birlik qana berip otyr. ıAǵnı 240 bolady. Men óz tarapymnan memlekettiń jaǵdaıyn jaqsy túsinip otyrmyn, eshqandaı qosymsha suraǵan joqpyn. Qazir basqa da qıyn jaǵdaılar respýblıkada kóp», - dedi mınıstr Jibek joly telearnasynyń «Ýáde» baǵdarlamasynda.
Eńbek mınıstri memlekettik eńbek ınspektorlarynyń sany kóbeıgenimen, sapasy bolýy úshin tsıfrlyq tehnologııalardy engizip jatqanyn aıtty.
«Eger bir kásiporynda bir qyzmetkerdiń eńbegi buzylsa, sol uıymmen mobıldi qosymsha arqyly baılanysa alady. Óz aıaǵymen kásiporyndarǵa barý qajeti joq. Oǵan san da keregi joq», - dedi S. Jaqypova.
Buǵan deıin S. Jaqypova Qazaqstanda bıyl óndiristik qaýipsizdiktiń saqtalmaýynan 221 adam kóz jumǵanyn aıtqan edi.
