Qazaqstanda 235 myń adamda qarý bar - QR ІІM
ASTANA. QazAqparat - Resmı derekterge sáıkes, Qazaqstanda 235 myń adamda qarý bar, dep habarlady "Astana" telearnasy.
ІІM aqparatynsha, bir adamnyń bes ań aýlaıtyn qarý men eki ózin-ózi qorǵaýǵa arnalǵan qarý alý quqyǵy bar. Oǵan gaz tapanshalary, elektrlik qarý men tegis uńǵyly qarý jatady. Sońǵysyn úıde ǵana saqtaýǵa bolady. Baspanadan asyryp shyǵarýǵa bolmaıdy.
«Qarýǵa ruqsat alý úshin tıisti qujattardy berýi tıis. Bul ótinish, qarý ıelenýge tyıym salynbaǵanyn rastaıtyn medıtsınalyq qorytyndy. esirtki, psıhodıspanserden anyqtama. Qarýdy ıelený erejelerin tekserý týraly anyqtama», - dedi QR ІІM erekshe tapsyrmalar boıynsha aǵa ınspektory Asylbek Ydrysov.
Qarý satatyn dúkenderge de qatań talaptar qoıylady. Olarda satatyn qarýynyń sertıfıkaty bolýy shart, olar esep pen tirkeý jumystaryn júrgizý kerek.
Resmı derekterge sáıkes, Qazaqstannyń 17,5 mln-nan astam turǵynynyń shamamen 235 myńynda qarý bar. Olardyń ıeliginde shamamen 284 myń qarý tirkelgen.
