Qazaqstanda 23 sáýir kúni aýa sapasy qandaı bolady
NUR-SULTAN. QazAqparat - Seısenbi, 23 sáýir kúngi meteorologııalyq jaǵdaı Qazaqstannyń 3 qalasynda atmosferada lastaýshy zattardyń jınalýyna yqpal etedi, dep habarlaıdy «QazAqparat» «Qazgıdromet» RMK-na silteme jasaı otyryp.
Sınoptıkterdiń málimetteri boıynsha, Aqtóbe, Atyraý, Nur-Sultan qalalarynda jaısyz meteorologııalyq jaǵdaı qalyptasady, ıaǵnı aýa lastanady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
