Qazaqstanda 23 myń adamnyń ıpotekalyq qaryzy qaıta qarjylandyryldy
Málim etilgendeı, ıpotekalyq qaryzdardy qaıta qarjylandyrý baǵdarlamasy eki bólikten turady.
Baǵdarlamanyń birinshi bóligi 2004-2009 jyldar aralyǵynda ıpotekalyq qaryz alýshylarǵa qoldaý kórsetýge baǵyttalǵan. Bul qaryzdardy qaıta qarjylandyrýǵa Qazaqstannyń Ulttyq banki 130 mlrd teńge bólgen.
«2018 jylǵy 10 jeltoqsandaǵy jaǵdaı boıynsha, bankter baǵdarlama sheńberinde quny 158,3 mlrd teńge bolatyn 25 556 qaryzdy maquldap, 137,7 mlrd teńgeniń 23 673 qaryzyn qaıta qarjylandyrdy. Jalpy alǵanda quny 236,4 mlrd teńge bolatyn 31 604 ótinim qabyldandy», - delingen baspasóz habarlamasynda.
Baǵdarlamanyń ekinshi bóligi dollarmen nesıe alǵan tutynýshylardy qoldaýǵa baǵyttalǵan. Ol QR Ulttyq bankiniń 2015 jylǵy 18 tamyzdaǵy baǵamymen 2016 jylǵy 1 qańtarǵa deıin alynǵan ıpotekalyq qaryzdardy teńgemen qaıta qarjylandyrýdy kózdeıdi.
«2018 jylǵy 10 jeltoqsandaǵy bankter valıýtalyq qaryzdardy qaıta qarjylandyrý úshin quny 40,1 mlrd teńge bolatyn 5 131 ótinimdi maquldap, 27,8 mlrd teńgeniń 3 845 qaryzyn qaıta qarjylandyrdy. Barlyǵy 64,5 mlrd teńgeniń 6 233 ótinimi qabyldandy. Bankterdiń valıýtalyq qaryzdardy qaıta qarjylandyrýǵa ótinimderdi qabyldaý merzimi shekteýli. Qaryzdyń Baǵdarlama talaptaryna sáıkestigin anyqtaý úshin qaryz alýshylarǵa kredıtor bankke ótinish berý qajet», - dep atap ótti bankten.
