Qazaqstanda 23 mln tonnadan astam mal azyǵy daıyndaldy

ASTANA. KAZINFORM —  2025–2026 jyldardaǵy qysqy maýsymǵa daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary belsendi jalǵasyp jatyr. Bul týraly AShM málim etti.

— Jergilikti atqarýshy organdardyń málimetinshe, 19,5 mln tonna shóp (jospardyń 79,6%-y), 1,5 mln tonna pishendeme (89,2%), 620,8 myń tonna quramajem (11,1%), 1,28 mln tonna saban (27,6%), 367,1 myń tonna súrlem (18,1%) daıyndaldy,— delingen habarlamada.

Belsendi jumys Qostanaı (98,0%), Aqmola (96,5%), Soltústik Qazaqstan (106,7%), Pavlodar (91,1%) oblystarynda, Jetisý oblysynda (91,0%), sondaı-aq Shymkent qalasynda 100% jospar oryndalǵany baıqalady.

Daıyndalǵan mal azyǵynyń kórsetilgen kólemderi janýarlardy tolyqqandy azyqtandyrýǵa, josparly ónim men tól alýǵa, sondaı-aq mal basynyń saqtalýyn qamtamasyz etýge múmkindik beredi. Jalpy respýblıkadaǵy mal azyǵymen qamtamasyz etý jaǵdaıy turaqty.

Al elimizdegi jańa astyq eksporty 9,8 mln tonnadan asty.