Qazaqstanda 23 aqpanda, jeksenbide kún qatty sýytady
ASTANA. QazAqparat - Qazaqstanda jeksenbi kúni tsıklonnnyń yqpalymen qar jaýyp, burqasyn kóteriledi, jeldiń ekpini 15-20 m/s-qa jetedi, dep habarlady Qazgıdromet.
Jańa Jer aýdanynda qalyptasqan arktıkalyq aýa Qazaqstan aýmaǵyna aýysyp, antıtsıklon respýblıkaǵa sibir aıazyn ákeledi. Jeksenbi kúni respýblıkanyń batysynda túngi temperatýra 22-30 gradýs aıazǵa deıin tómendeıdi; soltústikte, al dúısenbi kúni shyǵysta jáne ortalyqta 30-35 gradýs, ońtústik pen ońtústik-shyǵysta - 15-20, keı jerlerde 25-30 gradýsqa deıin aıaz bolady. Qazaqstannyń soltústik, shyǵys jáne ortalyq oblystarynda aıazdyń 40 gradýsqa deıin jetýi yqtımal. Mundaı temperatýra klımattyq normadan 8-15 gradýs tómen.
23-24 aqpanda Aqmola oblysynda túnde aýa raıy 30-35 gradýsqa deıin, keı jerlerde 38 gradýsqa deıin tómendeıdi.
