Qazaqstanda 22 qarashada ótetin mańyzdy sharalarǵa sholý

ASTANA

Saǵat 09.00-de QR Tuńǵysh Prezıdenti Qorynyń ǵımaratynda Halyqaralyq ǵylymı forým bastalady.

Saǵat 09.30-de Іshki ister mınıstrliginde Іshki ister mınıstri Qalmuhanbet Qasymovtyń qatysýymen Іshki ister organdaryn jańǵyrtý týraly brıfıng ótedi.

Saǵat 09.40-ta «Dýman» qonaq úı kesheninde Qoǵamdyq damý mınıstrliginiń Qoǵamdyq kelisim komıteti Qazaqstan Respýblıkasy Ulttyq qaýipsizdik komıtetiniń Terrorızmge qarsy ortalyǵymen birlesip semınar-trenıng ótkizý josparlanýda. Semınar-trenıngtiń taqybyry: «Dinı ekstremızm men radıkalızmniń aldyn alý boıynsha, sondaı-aq memlekettiń zaıyrlylyq qaǵıdattaryn ńyǵaıtý jónindegi jumystarǵa tartylatyn mamandardyń biliktiligin arttyrý: Dinı ekstremızm men terrorızmge qarsy is-qımyldarǵa baılanysty máselelerdi BAQ-ta jarııalaý erekshelikteri».

Saǵat 10.00-de Májilisiniń jalpy otyrysy bastalady.

Saǵat 10.30-da QR Memlekettik hatshysy G.Ábdihalyqovanyń tóraǵalyǵymen Qazaqstan Respýblıkasy Prezıdentiniń janyndaǵy Jastar saıasaty jónindegi Keńestiń XXII kezekti otyrysy ótedi.

Saǵat 14.00-de respýblıkalyq bıýdjettiń atqarylýyn baqylaý jónindegi Esep komıtetiniń otyrysy ótedi.

Saǵat 15.00-de «Mega Silk Way» oıyn-saýyq ortalyǵynda Kaspıı Qubyr Konsortsıýmy jáne «National Geographic Qazaqstan» jýrnalynyń birlesýimen «Uly dala kıesi» atty taqyrypta fotokórmeniń ashylý saltanaty ótedi.

Saǵat 15.00-de «Nur Otan» partııasynyń Ortalyq apparatynda «Nur Otan» partııasynyń densaýlyq saqtaý baǵyty boıynsha komıssııasynyń «Qazaqstan 2021: Birlik. Turaqtylyq. Jasampazdyq» atty saılaýaldy baǵdarlamasy talqylanady.

Saǵat 15.00-de Astanadaǵy «Kerýen sıtı» SO ortalyǵynda otandyq jańa «Kúltegin» tolyqmetrli anımatsııalyq fılminiń balalar úıiniń tárbıelenýshilerine arnalǵan qaıyrymdylyq kórsetilimi ótedi. Mýltfılm túrik qaǵanatynyń dańqty áskerı qolbasshysy Kúlteginniń jastyq shaǵy týraly baıandaıdy.

Saǵat 15.30-da Investıtsııalar jáne damý mınıstrliginiń Medıa-ortalyǵynda ótetin Geologııa jáne jer qoınaýyn paıdalaný Komıtetiniń jáne«Qazgeologııa» UGK» AQ 2018 jyldyń 10 aıy boıynsha atqarǵan jumystarynyń qorytyndysy boıynsha brıfıngi bastalady.

ALMATY

Saǵat 10.00-de «TheRitz-Carlton» qonaq úıinde «Ortalyq Azııa halyqtarynyń sándik-qoldanbaly óneri» kórmesi ótedi.

Saǵat 10.00-de QR UQK Shekara qyzmetiniń akademııasynda ««Qazaqstan-2050» strategııasy sheńberinde JOO-dan keıin áskerı bilim berý tehnologııalary men mazmuny» taqyrybynda vedomstvoaralyq konferentsııa ótkiziledi.

Saǵat 10.00-de «TURAN» ýnıversıtetinde «Qazirgi Qazaqstandaǵy ǵylymnyń qajettiligi men ınnovatsııalyq damý» taqyrybynda ǵylymı konferentsııa ótkiziledi.

Saǵat 11:00-de Qazaqstan baspasóz klýbynda Almatyda bıznesti damytý máselelerine arnalǵan baspasóz máslıhaty ótedi. Sharany ótkizýdegi maqsat - qoǵam men memleket basshylyǵyna almatylyq kásipkerlerdiń qysymǵa ushyraǵanyn, jospardan tys tekserýler qalaı bastalatynyn jáne memlekettik organdardyń keıbir ókilderiniń kásipkerlerge kedergi keltiretinin jetkizý bolyp tabylady. Baspasóz máslıhatynyń uıymdastyrýshylary - «Mızam» kóterme-bólshek saýda ortalyǵy.

Saǵat 11.00-de «Interfaks-Qazaqstan» agenttiginiń baspasóz ortalyǵynda «Esepshiler armııasy» taqyrybynda baspasóz máslıhaty ótedi.

Saǵat 13.00-de Balýan Sholaq atyndaǵy sport saraıynda fýtzaldan ulttyq chempıonattyń fınaly ótedi.

Saǵat 15.00-de QR Ulttyq kitaphanasynda «Jahandyq álemdegi qazirgi qazaqstandyq mádenıet» kitaptar serııasynyń tanystyrylymy ótedi.

ShYMKENT

Saǵat 15.00-de Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha Departamentiniń uıymdastyrýymen  Shymkent  qalasynda alǵash ret «Stýdentterge qyzmet kórsetý ortalyǵy» ashylmaq. 

Saǵat 17.00-de «Otyrar» telearnasynyń  májilis zalynda emhanaǵa tirkelý naýqanynyń aıaqtalýyna baılanysty brıfıng ótedi.

KÓKShETAÝ

Saǵat 11.00-de Óńirlik kommýnıkatsııalar qyzmetinde QR Ulttyq banki Aqmola oblystyq fılıaly dırektorynyń orynbasary Gúlnár Omarovanyń qatysýymen «7-20-25» baǵdarlamasynyń Aqmola oblysynda júzege asýy» taqyrybynda brıfıng ótedi.