Qazaqstanda 22 qańtarda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi elimizde 22 qańtarda ótetin mańyzdy sharalar sholýyn usynady.
ASTANA
Saǵat 10.00-de Úkimet otyrysy ótedi. Kún tártibinde bes áleýmettik bastamany júzege asyrý, sondaı-aq memlekettik satyp alý jáne kvazımemlekettik sektor sýbektilerin satyp alý máseleleri talqylandy.
Saǵat 10.00-de Energetıka mınıstrliginde munaı-gaz kompanııalarynyń ekologııalyq jaýapkershiliginiń ekinshi reıtıngisiniń qorytnydysy jarııalaý boıynsha saltanatty is-shara ótedi.
Saǵat 11.00-de Aqordada Qazaqstan Respýblıkasynyń Memlekettik hatshysy G.N. Ábdiqalyqova Armenııa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi G Galachıanmen kezdesedi.
Saǵat 11.00-de Senatta Syrtqy baılanystar, qorǵanys jáne qaýipsizdik komıtetiniń keńeıtilgen májilisi ótedi.
Saǵat 11.00-de Paralımpııalyq jattyǵý ortalyǵynda Astana qalasy ákimdiginiń janyndaǵy múmkindigi shekteýli jandarǵa arnalǵan sport mektebiniń ashylýyna arnalǵan baspasóz máslıhaty ótedi.
Saǵat 12.00-de Astana qalasy ákimdigi «Ortalyqtandyrylǵan kitaphanalar júıesiniń» Ortalyq balalar jáne jasóspirimder kitaphanasynda Kenesary bastaǵan ult-azattyq kóterilis tizginshileriniń biri, hannyń senimdi serigi, elin qorǵaǵan batyrlardyń biri, Arǵyn rýynan taraıtyn Qaraýyl Bekmyrza balasy Baýbek batyrǵa arnalǵan «Batyrlar Rýhy » atty is-sharasy ótedi.
Saǵat 15.00-de Ulttyq sybaılas jemqorlyqqa qarsy bıýroda brıfıng ótedi. Brıfıngte Ulttyq bıýro apparatynyń jetekshisi Hakim Kýshkalıev 2019-2021 jyldarǵa arnalǵan Sybaılas jemqorlyqqa qarsy qyzmetti damytýdyń jol kartasymen tanystyrady.
Saǵat 15.30-da Senatta 2014 jyldyń 29 mamyryndaǵy «Eýrazııalyq ekonomıkalyq odaqta sáıkestendirý quraldarymen tańbalaý týraly shartty ratıfıkatsııalaý týraly», «Eýrazııalyq ekonomıkalyq odaq týraly shartqa ózgerister engizý týraly hattamany ratıfıkatsııalaý týraly» zań jobalary boıynsha Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy ótedi.
ALMATY
Saǵat 11.00 Rixos qonaq úıinde BAQ ókilderi úshin baspasóz konferentsııasy ótedi. Baspasóz máslıhatynda qazaqstandyq kompozıtor Erkesh Shakeev pen tanymal bıznesmen Erkin Tátishev 18-28 jas aralyǵyndaǵy Qazaqstannyń talantty mýzykanttaryn tyńdaý týraly áńgimeleıdi. Tabysty oryndaýshylar Grýzııanyń Tsınsandalı qalasyndaǵy jańa halyqaralyq klassıkalyq mýzyka festıvaline qatysady.
