Qazaqstanda 22 aqpanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi Qazaqstan qalalarynda 22 aqpan kúni ótetin mańyzdy sharalar sholýyn usynady.
ASTANA
Saǵat 10.00-de Senatta «Veterınarlyq qaýipsizdik jaǵdaıy jáne onyń zańnamalyq qamtamasyz etilýi» taqyrybynda dóńgelek ústel bastalady.
Saǵat 10.00-de Qazaqstan Bas prokýratýrasy janyndaǵy Quqyq qorǵaý organdarynyń akademııasynda qylmystyq jáne qylmystyq is júrgizý zańnamasyn jetildirý týraly zań jobasynyń tujyrymdamasyn talqylaý úshin krımınologııalyq forýmnyń otyrysy ótedi.
Saǵat 12.00-de «Nur Otan» partııasynyń Astana qalalyq fılıalynda «Nur Otan» partııasynyń 20 jyldyǵyn merekeleýge arnalǵan «20 jaqsy is» aktsııasy men «Naýryz shaqyrý» aktsııasy aıasynda jobalardyń tusaýkeseri ótti.
Saǵat 16.00-de QR BǴM vedomstvoaralyq komıssııasy Dúnıejúzilik banktiń «Ónimdi ınnovatsııalardy yntalandyrý» jobasy sheńberinde «Inklıýzıvtik ınnovatsııalar konsortsıýmdary» granttyq baǵdarlamasy boıynsha jobalardy irikteıdi.
Saǵat 16.00-de Astana qalasy ákimdiginde «Memlekettik qyzmetti damytý jáne kadr saıasaty» taqyryby boıynsha QR Memlekettik qyzmet isteri men sybaılas jemqorlyqqa qarsy is-qımyl agenttiginiń Astana qalalyq departamentiniń qorytyndy otyrysy ótedi.
ALMATY
Saǵat 09.00-de Qazaq medıtsına ýnıversıtetinde úzdiksiz bilim berýde «Ara men ara sharýashylyǵy ónimderin uryqtandyrý arqyly aýrýlardy emdeýdegi teorııalyq jáne praktıkalyq aspektiler» atty apıterapııa boıynsha ǵylymı-praktıkalyq konferentsııa ótedi.
Saǵat 10.00-de «Ermensaı» jobasy boıynsha elektr stansasynda baspasóz májilisi ótedi. Іs-sharada Almaty qalasynyń energııany qaıta jabdyqtaý jáne úzdiksiz energııamen jabdyqtaý, jobanyń tehnologııalyq aspektileri talqylanady.
Saǵat 11.00-de Ulttyq kitaphanada aqyn, dramatýrg Ábdildá Tájibaevty eske alý keshi ótedi.
Saǵat 12.00-de «World Class» fıtnes-klýbynda Qazaqstan shahmat federatsııanyń 2018 jylǵa arnalǵan is-sharalarynyń qorytyndylary talqylanyp, 2019-shy jyldardyń josparlary týraly aıtylady.
QYZYLORDA
Saǵat 18.00-de Qyzylorda oblystyq fılarmonııasynyń kontsert zalynda halyq aqyny, kompozıtor Kenen Ázirbaevtyń 135 jyldyǵyna oraı «Án kemeńgeri» atty jergilikti óner ıeleriniń kontserti bastalady.
