Qazaqstanda 22,78 mln tonna astyq bastyryldy
ASTANA. QazAqparat - Qazaqstanda 6 qarashasyndaǵy kórsetkish boıynsha, 22,781,7 mln tonna astyq bastyryldy, dep habarlaıdy QazAqparat tilshisi.
QR Aýyl sharýashylyǵy mınıstrligi keltirgen aqparatqa sáıkes, aımaqtarda egin oraǵy 100 paıyzǵa júrgizilip, 15 mln 55,9 myń ga alqap orylǵan. Ortasha túsimdilik bir gektarǵa 15,1 tsentnerdi quraǵan.
Endigi kezekte bul kórsetkishti ótken jylmen salystyra ketsek, 2017 jyly da aımaqtardaǵy jalpy orylatyn aýmaqtar 100 paıyzǵa ıgerilip, 22 mln 272,8 myń tonna astyq bastyrylǵan. Ortasha túsimdilik gektaryna 2017 jyly 14,5 tsentnerdi kórsetken.
Qazaqstanda 2018 jyly jınalatyn aýmaq 15 mln 62,7 myń gektarǵa teń bolǵan. 2017 jyly jalpy jınalatyn aýmaqtyń gektary 15 mln 365,1 myń bolyp edi. Sonymen birge, egis naýqanynda bıyl 15 mln 122,6 myń ga aýmaqqa bıdaı (ótken jyly 15 mln 411,6 myń ga aýmaqqa) sebilgen.
