Qazaqstanda 22-23 shilde kúnderi jel kúsheıip, jańbyr jaýady
ASTANA. QazAqparat - Aldaǵy kúnderi Qazaqstan aýmaǵynyń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.
Keı jerlerde naızaǵaı oınap, jańbyr jaýady, burshaq jaýýy múmkin, tek respýblıkanyń ońtústigi men ońtústik-shyǵysynda ǵana kún jaýyn-shashynsyz bolady.
Keı jerlerde shańdy daýyl turyp, soltústik jáne shyǵys óńirlerde túnde jáne tańerteń tuman túsýi yqtımal.
22-23 shilde kúnderi jaýyn-shashynnyń saldarynan Shyǵys Qazaqstan oblysynyń ózenderi arnasynan tasýy múmkin.
Soltústik Qazaqstan oblysynda keı jerlerde tuman túsedi, jeldiń jyldamdyǵy túnde jáne kúndiz 15-20 m/s bolady, keı jerlerde ekpini sekýndyna 25 metrge deıin jetedi, kúndiz jekelegen aýdandarda daýyl turyp, burshaq jaýýy múmkin.
Aqmola, Pavlodar, Qaraǵandy oblystarynyń keı aýmaqtarynda jeldiń jyldamdyǵy sekýndyna 15-20 metrge deıin kúsheıip, burshaq jaýýy yqtımal.
Shyǵys Qazaqstan oblysynda keı jerlerde túnde jáne tańerteń tuman túsip, kúndiz jeldiń jyldamdyǵy 15-20 m/s bolady.
Almaty, Jambyl, Túrkistan oblystarynda, kúndiz Qyzylorda oblysynda jeldiń jyldamdyǵy sekýndyna 15-20 metrge deıin kúsheıip, shańdy daýyl turady.
Batys Qazaqstan oblysynyń keı jerlerinde daýyl soǵýy múmkin, jeldiń jyldamdyǵy 15-20 m/s, burshaq jaýýy yqtımal.
Mańǵystaý, Atyraý oblystarynda, kúndiz Aqtóbe oblysynyń keı jerlerinde jeldiń jyldamdyǵy 15-20 m/s-qa deıin jetedi.
Qostanaı oblysynyń keı aýmaqtaryna tuman túsedi, túnde keı jerlerde, kúndiz basym bóliginde jeldiń jyldamdyǵy 15-20 m/s aınalasynda bolady, kúndiz daýyl turyp, burshaq jaýýy múmkin.
Almaty, Túrkistan, Qyzylorda, Mańǵystaý, Atyraý oblystarynda, Jambyl, Batys Qazaqstan, Aqtóbe, Qaraǵandy oblystarynyń keı aýmaqtarynda aptap ystyq bolady.
Mańǵystaý, Qyzylorda, Túrkistan, Atyraý oblystarynda, Batys Qazaqstan, Aqtóbe, Qostanaı, Jambyl, Almaty oblystarynyń keı jerlerinde órt qaýpi saqtalady.
