Qazaqstanda 21 naýryzda ótetin mańyzdy sharalarǵa sholý

ASTANA

Saǵat 09.00-de «Saryarqa» velotreginde Jastar jylyna arnalǵan merekelik velosherý bastalady.

Saǵat 11.00-de Naýryz meıramyna oraı EKSPO aýmaǵynda merekelik shara bastalady.

Saǵat 12.00-de «Astana Opera» ashyq teatr alańynda «Naýryz» jańa formatta merekelenedi.

Saǵat 15.00-de Astana qalasyndaǵy Dostyq úıiniń aldyndaǵy alańda (24/9 Baýyrjan Momyshuly kóshesi, 24/9) Qazaqstan halqy Assambleıasynyń «Jańǵyrý joly» Respýblıkalyq jastar qozǵalysynyń belsendileri «Naýryz - Birlik - Elbasy» fleshmobyn ótkizedi.

Saǵat 14.00-de Astanada «Dáýlet» sport kesheninde Naýryz merekesine oraı «Óner barysy» atty qazaq kúresinen respýblıkalyq týrnır ótedi.

Saǵat 18.00-de «Qazaqstan» Ortalyq kontsert zalynda ıtalıandyq dızaın kúni ótedi.

Saǵat 21.00-de «Astana - Arena» stadıonynda Qazaqstan men Shotlandııanyń ulttyq quramalary arasynda match ótedi.

ALMATY

Saǵat 10.00-de «Naýryz meıramy» qalada keń aýqymda atalyp ótedi. 2000 adam qazaq eposy, ańyzdary men ertegileriniń kostıýmderin kıip, Almaty qalasynyń basty kóshelerinen: Abaı jáne Abylaı han dańǵyldarynan Qabanbaı batyr kóshesine deıin ótip, Abaı atyndaǵy Memlekettik akademııalyq opera jáne balet teatryna barady.

Saǵat 11.00-de Jibek Joly kóshesinde «Bolashaq» atty buqaralyq serýen ótedi.

Saǵat 16.30-da Yqylas atyndaǵy Ulttyq mýzykalyq aspaptar murajaıynda Ázerbaıjan, Reseı, Túrkııa, Estonııa, Ispanııa, Ulybrıtanııa, Germanııa jáne Japonııadan kelgen qonaqtar - tarıhshylar, mádenıet qaıratkerleriniń qatysýymen «Azııa ortalyǵynda Naýryz» halyqaralyq forýmy ótedi.