Qazaqstanda 21 qazan kúni ótetin mańyzdy sharalar ańdatpasy

ASTANA.KAZINFORM – Kazinform 21 qazan kúni Qazaqstanda ótetin mańyzdy oqıǵalardyń ańdatpasyn usynady.

9:00-de – Qazaqstan Respýblıkasy Úkimet otyrysy ótedi.

09:40-ta – Qazaqstanǵa Ázerbaıjan Prezıdenti Ilham Álıevtiń memlekettik sapary bastalady.

11:00-de – QR UEM Tabıǵı monopolııalardy retteý komıtetiniń Astana qalasy boıynsha departamenti «Astana sý arnasy» ShJQ MKK-niń 2026–2030 jyldarǵa arnalǵan magıstraldyq jáne taratýshy jeliler arqyly sý berý (aýyz sý), sarqyndy sýlardy burý jáne tazartý, sondaı-aq tehnıkalyq sýdy magıstraldyq qubyrlarmen jetkizý qyzmetterine tarıf pen tarıftik smetany bekitý jónindegi ótinimderi boıynsha ashyq tyńdaý ótkizedi.
Ótetin orny: Táýelsizdik kóshesi, 7-úı.

11:00-de – QR Mádenıet jáne aqparat mınıstrligine qarasty Qoljazbalar jáne sırek kitaptar ulttyq ortalyǵy 25 qazan – Respýblıka kúnine oraı «Qoljazba – eldiń rýhanı qazynasy» taqyrybynda dóńgelek ústel uıymdastyrady.

14:30-da – «Qazaqstan–Ázerbaıjan: jasandy ıntellekt pen ındýstrııalyq bastamalar dáýirindegi ekonomıkalyq yntymaqtastyq» taqyrybynda bıznes-forým ótedi.
Ótetin orny: «Astana» halyqaralyq qarjy ortalyǵy, Saýda zaly.

14:30-da – Astana qalasy kommýnıkatsııalar qyzmeti esirtki qylmystaryna qarsy is-qımyl taqyrybynda baspasóz konferentsııasyn ótkizedi.

15:00-de – Májilistiń konferents-zalynda densaýlyq saqtaý máseleleri jónindegi zańnamalyq túzetýlerdiń tanystyrylymy ótedi.

15:00-de – Qazaqstan quramasy alǵash ret álem úzdik úshtigine engen paravoleıboldan álem kýbogynyń qorytyndylaryna arnalǵan brıfıng ótedi.
Ótetin orny: Astana qalasy, Qabanbaı batyr dańǵyly, 47.

19:00-de – Qazaqstan Respýblıkasynyń Ortalyq memlekettik mýzeıinde Respýblıka kúnine arnalǵan Memlekettik kollektsııanyń biregeı ishekti mýzykalyq aspaptaryna arnalǵan alǵashqy kontsert-kórmesi ótedi.

Osyǵan deıin Jetisý oblysynda jerasty esirtki zerthanasy joıylǵany týraly habarladyq.