Qazaqstanda 21 aqpanda ótetin mańyzdy sharalarǵa sholý

ASTANA

Saǵat 09.00-de «Qazmedıa ortalyǵynda» 2018 jylǵy atqarylǵan jumysyn qorytyndylaýǵa jáne 2019 jylǵa josparlanǵan basymdyqtardy aıqyndaýǵa arnalǵan Qazaqstan Respýblıkasy Indýstrııa jáne ınfraqurylymdyq damý mınıstrliginiń alqa májilisi ótedi.

Saǵat 09.30-da Qazaqstan Respýblıkasy Prezıdentiniń janyndaǵy Memlekettik basqarý akademııasynda respýblıkalyq bilim berý semınar-trenıngi óz jumysyn bastaıdy.

Saǵat 10.00-de Senattyń kezekti otyrysy bolady.

Saǵat 10.00-de Nazarbaev ortalyǵynda «Táýelsiz Qazaqstan jastarynyń qundylyqtary men kútilimderi» taqyrybynda dóńgelek ústel ótkiziledi.

Saǵat 10.30-da ońaltý jáne bankrottyq protsedýralaryn jetildirý máseleleri boıynsha Májiliste dóńgelek ústel bastalady.

Saǵat 11.00-de Májilistiń Ekologııa máseleleri jáne tabıǵat paıdalaný komıtetiniń uıymdastyrýymen dóńgelek ústel otyrysy ótedi. Taqyryby: «Aral óńiriniń ekonomıkalyq, ekologııalyq jáne áleýmettik máselelerin zańnamalyq retteý».

Saǵat 11.00-de «Nur Otan» partııasynyń «Qazaqstan 2021: birlik» saılaý baǵdarlamasynyń agrarlyq salasy boıynsha komıssııasynyń otyrysy ótedi.

Saǵat 12.30-da «Tolles Diktat-2019» dep atalatyn Halyqaralyq ashyq naýqan Eýrazııa ulttyq ýnıversıtetinde ótedi. Onyń maqsaty nemis tilin nasıhattaý jáne ony úırenýge yntalandyrý, TMD, jaqyn jáne alys shet elderdegi nemis uıymdarymen seriktestik qarym-qatynasty damytý jáne qoldaý.

Saǵat 14.00-de Astanada «Ritz-Carlton» qonaq úıinde Qazaqstanda bıoalýantúrllikti qarjylandyrýdyń jahandyq bastamanyń (budan ári BIOQARJY) ekinshi fazasyn engizý jóninde kirispe semınar ótkiziledi.

Saǵat 14.00-de Qazaqstan Respýblıkasy Ulttyq mýzeıinde Ulttyq mýzeıdiń 5 jyldyǵyna jáne Dúnıejúzilik ekskýrsııa júrgizýshiler kúnine oraı uıymdastyrylǵan «Juldyzdy gıd» shoý-baǵdarlamasy ótedi.

Saǵat 15.00-de «Astana habta» Májilis depýtaty M.A. Aısınanyń tóraǵalyq etýimen «Nur Otan» partııasynyń Ortalyq apparaty komıssııanyń otyrysy ótedi. Otyrys «Nur Otan» partııasynyń saılaý baǵdarlamasynyń «Qazaqstan Respýblıkasyndaǵy mamandandyrylǵan Halyqqa qyzmet kórsetý ortalyqtarynyń jumys isteýi» taqyrybynda «Memlekettik qyzmetterdi kórsetý» baǵyty boıynsha ótedi.

Saǵat 15.00-de QR DSM Qoǵamdyq densaýlyq saqtaý ulttyq ortalyǵy DDSU-men birlesip, tamaq ónerkásibi qaýymdastyqtarynyń, densaýlyq saqtaý, bilim berý uıymdary ókilderiniń qatysýymen «Qazaqstan Respýblıkasynda durys tamaqtaný mádenıetin qalyptastyrý» atty dóńgelek ústel uıymdastyrady.

Saǵat 16.00-de Astana qalasynyń Dostyq úıinde Soltústik Kavkaz (vaınah) halqynyń jer aýdarýynyń 75 jyldyǵyna arnalǵan eske alý kúni ótedi.

KÓKShETAÝ

Saǵat 14.00-de Joǵarǵy kolledjde (burynǵy Jambyl atyndaǵy Servıstik-tehnıkalyq kolledj) asyq atý men bas asyqtan Aqmola oblystyq chempıonaty bastalady.

TÚRKІSTAN

Saǵat 12:00-de Óńirlik kommýnıkatsııalar qyzmetinde oblystyq Dene shynyqtyrý jáne sport basqarmasy 2018 jyly atqarylǵan jumystar men aǵymdaǵy jylǵy josparlar jaıynda baspasóz máslıhatyn ótkizedi.

Spıker: Basqarma basshysy - Polat Qyryqbaev