Qazaqstanda 21,52 mln tonna astyq bastyryldy

ASTANA. QazAqparat - Aýylsharýashylyq dándi-daqyldardy jınaý týraly jedel derekterge sáıkes, Qazaqstanda 2017 jyldyń 9 qazanyndaǵy jaǵdaı boıynsha 21 526,6 myń tonna astyq bastyrylǵan, dep habarlaıdy «QazAqparat» HAA tilshisi.

QR Aýyl sharýashylyǵy mınıstrliginiń deregi boıynsha, aýylsharýashylyq óndirýshileri eseptik kezeńde 15 217,9 myń gektardan astyq jınaǵan, bul óńirlerdiń egin alqaptarynyń 99,5%-yn quraıdy. Ortasha túsim - 14,1 ts/ga.

2016 jyldyń osy kezeńimen salystyrǵanda Qazaqstanda 14 076,3 myń ga egin jınalyp, bul egin alqaptarynyń 92,2%-yn qurady. Ol kezde 21 112,5 myń tonna astyq bastyrylǵan. Ortasha túsim - 15 ts/ga.

2017 jyly egin jınaý alqabynyń aýmaǵy 15 295,4 gektar bolsa, 2016 jyly bul kórsetkish 15 275,1 myń gektardy quraǵan.