Qazaqstanda 20,8 mln tonna astyq bastyryldy

ASTANA. KAZINFORM – Bul málimetterdiń QR Aýyl sharýashylyǵy mınıstrligi keltirdi.

Mınıtsrliktiń baspasóz qyzmetiniń habarlaýynsha, dándi jáne dándi-burshaqty daqyldardyń boljamdy jınaý alańy 16 mln gektardan asady. Búgingi tańda 13,3 mln gektar nemese jalpy egis alqaptarynyń 83%-y jınaldy. Nátıjesinde 20,8 mln tonna astyq bastyryldy.

Dándi daqyldardan bólek, aýyl sharýashylyǵy taýaryn óndirýshiler 1,4 mln tonna maıly daqyl, gektaryna 228,2 tsentner ónimdilikpen 2,5 mln tonna kartop jáne gektaryna 307,2 tsentner ónimdilikpen 3,5 mln tonna kókónis jınady.

Atap aıtqanda, 324,1 ts/ga ónimnen 428,5 myń tonna qyryqqabat, 441,0 ts/ga ónimnen 1000,9 myń tonna pııaz, sondaı-aq 287,9 ts/ga ónimnen 355,2 myń tonna sábiz jınaldy.

-Egin jınaý naýqany uıymdasqan túrde, agrotehnıkalyq talaptarǵa saı merzimde ótip jatyr, -delingen habarlamada.

Osyǵan deıin elde 20 mln tonnaǵa jýyq astyq bastyrylǵany týraly jazdyq.