Qazaqstanda 2027 jyly dzıýdodan álem chempıonaty ótedi
ASTANA. KAZINFORM – Týrızm jáne sport mınıstri Erbol Myrzabosynov Býdapeshttegi saparynda Halyqaralyq Dzıýdo Federatsııasynyń (IJF) prezıdenti Marıýs Vızermen óte mańyzdy kezdesý ótkizdi. Nátıjesinde elimizde dzıýdony damytý baǵytynda birqatar mańyzdy kelisimderge qol qoıyldy. Bul týraly vedomstvo basshysy Instagram áleýmettik jelisindegi paraqshasyna jazdy.
«Dzıýdonyń jankúıerlerine jaqsy jańalyq! 2027 jyly dzıýdodan álem chempıonatyn Qazaqstanda ótkizý týraly kelisimge keldik. Bul elimiz úshin úlken abyroı, ári qazaqstandyq sportshylar úshin úlken múmkindik bolmaq. Óıtkeni chempıonat Los Andjeles olımpıadasynyń qarsańynda ótedi. Sonymen qatar, Halyqaralyq Dzıýdo Federatsııasynyń akademııasynyń ókildigin Qazaqstanda ashý týraly ýaǵdalastyqqa qol jetkizdik. Bul bastama bizdiń sportshylarymyz ben jattyqtyrýshylarymyzdyń kásibı deńgeıin kóterýge úlken septigin tıgizetinine senimdimin», — dep jazdy ol.
Eske sala keteıik, buǵan deıin Qazaqstan dzıýdodan jasóspirimder arasyndaǵy álem chempıonatyn eki júldemen aıaqtaǵanyn jazǵan bolatynbyz.
