Qazaqstanda 2026 jylǵa josparlanǵan 10 JEK jobasynyń 7-eýi iske qosyldy
ASTANA. KAZINFORM - Energetıka mınıstrligi jańartylatyn energııa kózderin damytý boıynsha jumysty jalǵastyryp keledi. Bıyl elimizde jalpy qýaty 245 MVt bolatyn jańartylatyn energııa kózderiniń 10 nysanyn paıdalanýǵa berý josparlanǵan.
Mınıstrliktiń baspasóz qyzmetiniń habarlaýynsha, búgingi tańda 212 MVt bolatyn 7 nysan paıdalanýǵa berildi.
Paıdalanýǵa berilgen nysandardyń qatarynda:
•Qostanaı oblysynda qýaty 50 MVt «Aspan Energo» JShS jel elektr stantsııasy;
•Mańǵystaý oblysynda qýaty 20 MVt «Stellar Energy» JShS kún elektr stantsııasy;
•Qostanaı oblysynda qýaty 22,6 MVt «Altyn Solar Energy» JShS kún elektr stantsııasy;
•Jetisý oblysynda qýaty 20 MVt «Jetisu Terra Power» JShS kún elektr stantsııasy;
•Qaraǵandy oblysynda jalpy qýaty 100 MVt bolatyn «Gıperboreıa» JShS-niń úsh jel elektr stantsııasy bar.
Bıylǵy jyldyń sońyna deıin Qyzylorda oblysynda qýaty 30 MVt «Alhena» JShS-niń eki kún elektr stantsııasy jobasyn, sondaı-aq Túrkistan oblysynda qýaty 3,2 MVt «Taýenergo» JShS-niń shaǵyn gıdroelektr stantsııasyn salýdy aıaqtap, paıdalanýǵa berý josparlanyp otyr.
-JEK jobalaryn iske asyrý elimizdiń energetıkalyq qaýipsizdigin nyǵaıtýǵa, ınvestıtsııalar tartýǵa, jańa jumys oryndaryn qurýǵa jáne Qazaqstannyń energııa teńgerimindegi ekologııalyq taza generatsııa úlesin arttyrýǵa yqpal etedi,-delingen habarlamada.
Aıta keteıik, osyǵan deıin energetıka mınıstrligi kómir jetkizilimderin monıtorıngteýdiń biryńǵaı tsıfrlyq júıesin iske qosty.
