Qazaqstanda 2025-2026 oqý jylynyń merzimi men kanıkýl kestesi bekitildi

ASTANA. KAZINFORM – Qazaqstanda 2025-2026 oqý jylyna arnalǵan oqý merzimi, oqýshylardyń kanıkýl kestesi jáne qorytyndy attestatsııa ýaqyty bekitildi.

Qujatqa sáıkes, jańa oqý jyly 2025 jylǵy 1 qyrkúıekte bastalyp, 2026 jylǵy 25 mamyrda aıaqtalady.

1-11 (12) synyptar úshin oqý toqsandary men kanıkýl merzimi:

• 1-toqsan – 8 apta, kúzgi kanıkýl: 2025 jylǵy 27 qazan – 2 qarasha;

• 2-toqsan – 8 apta, qysqy kanıkýl: 2025 jylǵy 29 jeltoqsan – 2026 jylǵy 7 qańtar;

• 3-toqsan – 10 apta, kóktemgi kanıkýl: 2026 jylǵy 19-29 naýryz;

• 1-synyp oqýshylaryna qosymsha kanıkýl: 2026 jylǵy 9-15 aqpan;

• 4-toqsan – 8 apta.

Qorytyndy attestatsııa merzimi:

• 9 (10) synyptar – 2026 jylǵy 29 mamyr – 11 maýsym;

• 11 (12) synyptar – 2026 jylǵy 2-15 maýsym.

9 (10) synyptar úshin emtıhan kestesi:

• Matematıka (algebra) – 29 mamyr;

• Tańdaý páni – 3 maýsym;

• Qazaq/orys/ana tili (esse nemese jazba jumys) – 8 maýsym;

• Qazaq tili men ádebıeti nemese orys tili men ádebıeti (oqytý tiline baılanysty) – 11 maýsym.

11 (12) synyptar úshin:

• Qazaqstan tarıhy (aýyzsha) – 2 maýsym;

• Algebra jáne analız bastamalary – 5 maýsym;

• Qazaq/orys/ana tili – 9 maýsym;

• Tańdaý páni – 12 maýsym;

• Qazaq tili men ádebıeti nemese orys tili men ádebıeti – 15 maýsym.

Bekitilgen buıryq 2025 jylǵy 24 tamyzdan bastap kúshine enedi.

Aıta keteıik, jańa oqý jylynda mektepter men kolledjderde jasandy ıntellekt tehnologııasy engiziledi.