Qazaqstanda 2024 jyly bokstan qandaı jarystar ótedi

ASTANA. KAZINFORM – Azııa boks konfederatsııasy (ASBC) 2024 jyly Qazaqstanda ótetin týrnırler tizimin jarııalady.

QR Ulttyq olımpıadalyq komıteti málim etkendeı, 2024 jyly Qazaqstanda bokstan áıelder arasyndaǵy álem chempıonaty ótedi. Týrnır qyrkúıektiń aıaǵy men qazan aıynyń basyna josparlanǵan.

Qazaqstandaǵy bedeldi týrnırlerdiń biri «Elorda kýbogi» maýsym aıynda uıymdastyrylady.

Sondaı-aq, 2024 jyly Saǵadat Nurmaǵambetov memorıaly, Vahıtovskıı týrnıri, Shoqyr Bóltekuly memorıaly, Abdalıev men Ǵalym Jarylǵapov memorıaldary óz jeńimpazdaryn anyqtaıdy.

Jastar arasynda ótetin jarystar qatarynda Bekzat Sattarhanov memorıaly, Jetisý kýbogy, Áıtenovter memorıaly, Serikov memorıaly, Safın memorıaly men Haırýtdınovti eske alýǵa arnalǵan týrnır bar.

Bıyldan bastap Galıb Jafarov pen Dildábekovtiń júldesine arnalǵan boks dodasy uıymdastyrylady. Serik Sápıevtiń júldesi úshin ótetin týrnır de jas talanttarǵa múmkindik bolmaq.