Qazaqstanda 2024 jyly 1,2 trln teńgege 180 ındýstrııalyq joba iske asyrylmaq
ASTANA. KAZINFORM - Qazaqstan Úkimeti shıkizatqa baǵdarlanǵan ekonomıkadan qosylǵan quny edáýir joǵary salalarǵa basymdyq beretin ekonomıkaǵa ótý jónindegi sharalardy iske asyrýdy jalǵastyrýda. Bul ındýstrııalandyrýdy jáne onyń qarqyndy damýyn qamtamasyz etýge múmkindik beredi.
Máselen, ótken jyly óńdeý ónerkásibinde 928 mlrd teńgege 170 joba iske asyryldy. Otandyq taýar óndirýshilermen 179 uzaq merzimdi shart pen offteık-kelisimshart jasaldy. Barlyq qabyldanǵan sharalardyń arqasynda óńdeý ónerkásibiniń ekonomıkadaǵy úlesi taý-ken ónerkásibiniń úlesimen teńesti.
Bıyl 1,2 trln teńgege 180 ındýstrııalyq joba iske asyrylmaq. Sondaı-aq óńdeý ónerkásibi kásiporyndaryn otandyq shıkizatpen qamtamasyz etýdiń jańa tetigi ındýstrııalandyrýdy jedeldetýge yqpal etetin bolady.
Mashına jasaý salasyn damytýdyń 2028 jylǵa deıingi keshendi josparyn oryndaý arqasynda osy salanyń jalpy qosylǵan quny 4,5 ese ósedi dep kútilýde.
Jalpy búginde Qazaqstanda 32 trln teńgege 1 myńǵa jýyq ınvestıtsııalyq jobanyń jalpyulttyq pýlyn iske asyrý jalǵasýda. Bul ekonomıkanyń barlyq salalaryna qatysty. 2023 jyly 1,8 trln teńgege 298 joba iske qosyldy. 2024 jyly jalpy somasy 3,8 trln teńgege 326 joba iske asyrylmaq.
Memleket basshysynyń tapsyrmasy boıynsha ınvestıtsııalyq shtabtyń jumysy qaıta qaralyp, kúsheıtildi. Іri ınvestıtsııalyq jobalar bólek qaralady, týyndaıtyn barlyq máseleler jeke qaralyp, sheshiletin bolady.
